༡༡. བཱ་ཧི་ར་དུ་ཀྑ་ཧེ་ཏུ་སུ་ཏྟཾ

༡༤༤. ‘‘རཱུ་པཱ, བྷི་ཀྑ་ཝེ, དུ་ཀྑཱ. ཡོ་པི ཧེ་ཏུ, ཡོ་པི པ་ཙྩ་ཡོ རཱུ་པཱ་ནཾ ཨུ་པྤཱ་དཱ་ཡ, སོ་པི དུ་ཀྑོ. དུ་ཀྑ་ས་མྦྷཱུ་ཏཱ, བྷི་ཀྑ་ཝེ, རཱུ་པཱ ཀུ་ཏོ སུ་ཁཱ བྷ་ཝི་སྶ་ནྟི! ས་དྡཱ… ག་ནྡྷཱ… ར་སཱ… ཕོ་ཊྛ་བྦཱ… དྷ་མྨཱ དུ་ཀྑཱ. ཡོ་པི ཧེ་ཏུ, ཡོ་པི པ་ཙྩ་ཡོ དྷ་མྨཱ་ནཾ ཨུ་པྤཱ་དཱ་ཡ, སོ་པི དུ་ཀྑོ. དུ་ཀྑ་ས་མྦྷཱུ་ཏཱ, བྷི་ཀྑ་ཝེ, དྷ་མྨཱ ཀུ་ཏོ སུ་ཁཱ བྷ་ཝི་སྶ་ནྟི! ཨེ་ཝཾ པ་སྶཾ…པེ… ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ’ཏི པ་ཛཱ་ནཱ་ཏཱི’’ཏི. ཨེ་ཀཱ་ད་ས་མཾ.