༨. ན་ཀུ་ལ་པི་ཏུ་སུ་ཏྟཾ

༡༣༡. ཨེ་ཀཾ ས་མ་ཡཾ བྷ་ག་ཝཱ བྷ་གྒེ་སུ ཝི་ཧ་ར་ཏི སུ་སུ་མཱ་ར་གི་རེ བྷེ་ས་ཀ་ལཱ༹་ཝ་ནེ མི་ག་དཱ་ཡེ. ཨ་ཐ ཁོ ན་ཀུ་ལ་པི་ཏཱ ག་ཧ་པ་ཏི ཡེ་ན བྷ་ག་ཝཱ ཏེ་ནུ་པ་ས་ངྐ་མི…པེ… ཨེ་ཀ་མ་ནྟཾ ནི་སི་ནྣོ ཁོ ན་ཀུ་ལ་པི་ཏཱ ག་ཧ་པ་ཏི བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཀོ ནུ ཁོ, བྷ་ནྟེ, ཧེ་ཏུ, ཀོ པ་ཙྩ་ཡོ ཡེ་ན མི་དྷེ་ཀ་ཙྩེ ས་ཏྟཱ དི་ཊྛེ་ཝ དྷ་མྨེ ནོ པ་རི་ནི་བྦཱ་ཡ་ནྟི? ཀོ པ་ན, བྷ་ནྟེ, ཧེ་ཏུ, ཀོ པ་ཙྩ་ཡོ ཡེ་ན མི་དྷེ་ཀ་ཙྩེ ས་ཏྟཱ དི་ཊྛེ་ཝ དྷ་མྨེ པ་རི་ནི་བྦཱ་ཡ་ནྟཱི’’ཏི? ‘‘ས་ནྟི ཁོ, ག་ཧ་པ་ཏི, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏི. ཏ་སྶ ཏཾ ཨ་བྷི་ན་ནྡ་ཏོ ཨ་བྷི་ཝ་ད་ཏོ ཨ་ཛ྄ཛྷོ་སཱ་ཡ ཏི་ཊྛ་ཏོ ཏ་ནྣི་སྶི་ཏཾ ཝི་ཉྙཱ་ཎཾ ཧོ་ཏི ཏ་དུ་པཱ་དཱ་ནཾ. ས་ཨུ་པཱ་དཱ་ནོ, ག་ཧ་པ་ཏི, བྷི་ཀྑུ ནོ པ་རི་ནི་བྦཱ་ཡ་ཏི…པེ… ས་ནྟི ཁོ, ག་ཧ་པ་ཏི, ཛི་ཝ྄ཧཱ་ཝི་ཉྙེ་ཡྻཱ ར་སཱ…པེ… ས་ནྟི ཁོ, ག་ཧ་པ་ཏི, མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏི. ཏ་སྶ ཏཾ ཨ་བྷི་ན་ནྡ་ཏོ ཨ་བྷི་ཝ་ད་ཏོ ཨ་ཛ྄ཛྷོ་སཱ་ཡ ཏི་ཊྛ་ཏོ ཏ་ནྣི་སྶི་ཏཾ ཝི་ཉྙཱ་ཎཾ ཧོ་ཏི ཏ་དུ་པཱ་དཱ་ནཾ. ས་ཨུ་པཱ་དཱ་ནོ, ག་ཧ་པ་ཏི, བྷི་ཀྑུ ནོ པ་རི་ནི་བྦཱ་ཡ་ཏི. ཨ་ཡཾ ཁོ, ག་ཧ་པ་ཏི, ཧེ་ཏུ ཨ་ཡཾ པ་ཙྩ་ཡོ ཡེ་ན མི་དྷེ་ཀ་ཙྩེ ས་ཏྟཱ དི་ཊྛེ་ཝ དྷ་མྨེ ནོ པ་རི་ནི་བྦཱ་ཡ་ནྟི’’.

‘‘ས་ནྟི ཙ ཁོ, ག་ཧ་པ་ཏི, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ་ནཱ་བྷི་ན་ནྡ་ཏི ནཱ་བྷི་ཝ་ད་ཏི ནཱ་ཛ྄ཛྷོ་སཱ་ཡ ཏི་ཊྛ་ཏི. ཏ་སྶ ཏཾ ཨ་ན་བྷི་ན་ནྡ་ཏོ ཨ་ན་བྷི་ཝ་ད་ཏོ ཨ་ན་ཛ྄ཛྷོ་སཱ་ཡ ཏི་ཊྛ་ཏོ ན ཏ་ནྣི་སྶི་ཏཾ ཝི་ཉྙཱ་ཎཾ ཧོ་ཏི, ན ཏ་དུ་པཱ་དཱ་ནཾ. ཨ་ནུ་པཱ་དཱ་ནོ, ག་ཧ་པ་ཏི, བྷི་ཀྑུ པ་རི་ནི་བྦཱ་ཡ་ཏི…པེ… ས་ནྟི ཁོ, ག་ཧ་པ་ཏི, ཛི་ཝ྄ཧཱ་ཝི་ཉྙེ་ཡྻཱ ར་སཱ…པེ… ས་ནྟི ཁོ, ག་ཧ་པ་ཏི, མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ནཱ་བྷི་ན་ནྡ་ཏི ནཱ་བྷི་ཝ་ད་ཏི ནཱ་ཛ྄ཛྷོ་སཱ་ཡ ཏི་ཊྛ་ཏི. ཏ་སྶ ཏཾ ནཱ་བྷི་ན་ནྡ་ཏོ ནཱ་བྷི་ཝ་ད་ཏོ ཨ་ན་ཛ྄ཛྷོ་སཱ་ཡ ཏི་ཊྛ་ཏོ ན ཏ་ནྣི་སྶི་ཏཾ ཝི་ཉྙཱ་ཎཾ ཧོ་ཏི ན ཏ་དུ་པཱ་དཱ་ནཾ. ཨ་ནུ་པཱ་དཱ་ནོ, ག་ཧ་པ་ཏི, བྷི་ཀྑུ པ་རི་ནི་བྦཱ་ཡ་ཏི. ཨ་ཡཾ ཁོ, ག་ཧ་པ་ཏི, ཧེ་ཏུ, ཨ་ཡཾ པ་ཙྩ་ཡོ ཡེ་ན མི་དྷེ་ཀ་ཙྩེ ས་ཏྟཱ དི་ཊྛེ་ཝ དྷ་མྨེ པ་རི་ནི་བྦཱ་ཡ་ནྟཱི’’ཏི. ཨ་ཊྛ་མཾ.