༥. སེ་ཡྻོ་ཧ་མ་སྨི་སུ་ཏྟཾ

༡༠༨. ‘‘ཀི་སྨིཾ ནུ ཁོ, བྷི་ཀྑ་ཝེ, ས་ཏི ཀིཾ ཨུ་པཱ་དཱ་ཡ ཀིཾ ཨ་བྷི་ནི་ཝི་སྶ སེ་ཡྻོ་ཧ་མ་སྨཱི་ཏི ཝཱ ཧོ་ཏི, ས་དི་སོ་ཧ་མ་སྨཱི་ཏི ཝཱ ཧོ་ཏི, ཧཱི་ནོ་ཧ་མ་སྨཱི་ཏི ཝཱ ཧོ་ཏཱི’’ཏི?

‘‘བྷ་ག་ཝཾ་མཱུ་ལ་ཀཱ ནོ, བྷ་ནྟེ, དྷ་མྨཱ.

‘‘ཙ་ཀྑུ་སྨིཾ ཁོ, བྷི་ཀྑ་ཝེ, ས་ཏི ཙ་ཀྑུཾ ཨུ་པཱ་དཱ་ཡ ཙ་ཀྑུཾ ཨ་བྷི་ནི་ཝི་སྶ སེ་ཡྻོ་ཧ་མ་སྨཱི་ཏི ཝཱ ཧོ་ཏི, ས་དི་སོ་ཧ་མ་སྨཱི་ཏི ཝཱ ཧོ་ཏི, ཧཱི་ནོ་ཧ་མ་སྨཱི་ཏི ཝཱ ཧོ་ཏི…པེ… ཛི་ཝ྄ཧཱ་ཡ ས་ཏི…པེ… མ་ན་སྨིཾ ས་ཏི མ་ནཾ ཨུ་པཱ་དཱ་ཡ མ་ནཾ ཨ་བྷི་ནི་ཝི་སྶ སེ་ཡྻོ་ཧ་མ་སྨཱི་ཏི ཝཱ ཧོ་ཏི, ས་དི་སོ་ཧ་མ་སྨཱི་ཏི ཝཱ ཧོ་ཏི, ཧཱི་ནོ་ཧ་མ་སྨཱི་ཏི ཝཱ ཧོ་ཏི. ཏཾ ཀིཾ མ་ཉྙ་ཐ, བྷི་ཀྑ་ཝེ, ཙ་ཀྑུ ནི་ཙྩཾ ཝཱ ཨ་ནི་ཙྩཾ ཝཱ’’ཏི?

‘‘ཨ་ནི་ཙྩཾ, བྷ་ནྟེ’’.

‘‘ཡཾ པ་ནཱ་ནི་ཙྩཾ དུ་ཀྑཾ ཝཱ ཏཾ སུ་ཁཾ ཝཱ’’ཏི?

‘‘དུ་ཀྑཾ, བྷ་ནྟེ’’.

‘‘ཡཾ པ་ནཱ་ནི་ཙྩཾ དུ་ཀྑཾ ཝི་པ་རི་ཎཱ་མ་དྷ་མྨཾ, ཨ་པི ནུ ཏཾ ཨ་ནུ་པཱ་དཱ་ཡ སེ་ཡྻོ་ཧ་མ་སྨཱི་ཏི ཝཱ ཨ་སྶ, ས་དི་སོ་ཧ་མ་སྨཱི་ཏི ཝཱ ཨ་སྶ, ཧཱི་ནོ་ཧ་མ་སྨཱི་ཏི ཝཱ ཨ་སྶཱ’’ཏི?

‘‘ནོ ཧེ་ཏཾ, བྷ་ནྟེ’’…པེ… ཛི་ཝ྄ཧཱ… ཀཱ་ཡོ ནི་ཙྩོ ཝཱ ཨ་ནི་ཙྩོ ཝཱ’’ཏི?

‘‘ཨ་ནི་ཙྩོ, བྷ་ནྟེ’’…པེ….

‘‘མ་ནོ ནི་ཙྩོ ཝཱ ཨ་ནི་ཙྩོ ཝཱ’’ཏི?

‘‘ཨ་ནི་ཙྩོ, བྷ་ནྟེ’’.

‘‘ཡཾ པ་ནཱ་ནི་ཙྩཾ དུ་ཀྑཾ ཝཱ ཏཾ སུ་ཁཾ ཝཱ’’ཏི?

‘‘དུ་ཀྑཾ, བྷ་ནྟེ’’.

‘‘ཡཾ པ་ནཱ་ནི་ཙྩཾ དུ་ཀྑཾ ཝི་པ་རི་ཎཱ་མ་དྷ་མྨཾ, ཨ་པི ནུ ཏཾ ཨ་ནུ་པཱ་དཱ་ཡ སེ་ཡྻོ་ཧ་མ་སྨཱི་ཏི ཝཱ ཨ་སྶ, ས་དི་སོ་ཧ་མ་སྨཱི་ཏི ཝཱ ཨ་སྶ, ཧཱི་ནོ་ཧ་མ་སྨཱི་ཏི ཝཱ ཨ་སྶཱ’’ཏི?

‘‘ནོ ཧེ་ཏཾ, བྷ་ནྟེ’’.

‘‘ཨེ་ཝཾ པ་སྶཾ, བྷི་ཀྑ་ཝེ, སུ་ཏ་ཝཱ ཨ་རི་ཡ་སཱ་ཝ་ཀོ ཙ་ཀྑུ་སྨི་མྤི ནི་བྦི་ནྡ་ཏི…པེ… མ་ན་སྨི་མྤི ནི་བྦི་ནྡ་ཏི. ནི་བྦི་ནྡཾ ཝི་ར་ཛྫ་ཏི; ཝི་རཱ་གཱ ཝི་མུ་ཙྩ་ཏི; ཝི་མུ་ཏྟ་སྨིཾ ཝི་མུ་ཏྟ་མི་ཏི ཉཱ་ཎཾ ཧོ་ཏི. ‘ཁཱི་ཎཱ ཛཱ་ཏི, ཝུ་སི་ཏཾ བྲ་ཧྨ་ཙ་རི་ཡཾ, ཀ་ཏཾ ཀ་ར་ཎཱི་ཡཾ, ནཱ་པ་རཾ ཨི་ཏྠ་ཏྟཱ་ཡཱ’ཏི པ་ཛཱ་ནཱ་ཏཱི’’ཏི. པ་ཉྩ་མཾ.