༡. ཡོ་ག་ཀྑེ་མི་སུ་ཏྟཾ

༡༠༤. སཱ་ཝ་ཏྠི་ནི་དཱ་ནཾ. ‘‘ཡོ་ག་ཀྑེ་མི་པ་རི་ཡཱ་ཡཾ ཝོ, བྷི་ཀྑ་ཝེ, དྷ་མྨ་པ་རི་ཡཱ་ཡཾ དེ་སེ་སྶཱ་མི. ཏཾ སུ་ཎཱ་ཐ. ཀ་ཏ་མོ ཙ, བྷི་ཀྑ་ཝེ, ཡོ་ག་ཀྑེ་མི་པ་རི་ཡཱ་ཡོ དྷ་མྨ་པ་རི་ཡཱ་ཡོ? ས་ནྟི, བྷི་ཀྑ་ཝེ, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏེ ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝ་ངྐ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཏེ་ས་ཉྩ པ་ཧཱ་ནཱ་ཡ ཨ་ཀྑཱ་སི ཡོ་གཾ, ཏ་སྨཱ ཏ་ཐཱ་ག་ཏོ ‘ཡོ་ག་ཀྑེ་མཱི’ཏི ཝུ་ཙྩ་ཏི…པེ… ས་ནྟི, བྷི་ཀྑ་ཝེ, མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏེ ཏ་ཐཱ་ག་ཏ་སྶ པ་ཧཱི་ནཱ ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝ་ངྐ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཏེ་ས་ཉྩ པ་ཧཱ་ནཱ་ཡ ཨ་ཀྑཱ་སི ཡོ་གཾ, ཏ་སྨཱ ཏ་ཐཱ་ག་ཏོ ‘ཡོ་ག་ཀྑེ་མཱི’ཏི ཝུ་ཙྩ་ཏི. ཨ་ཡཾ ཁོ, བྷི་ཀྑ་ཝེ, ཡོ་ག་ཀྑེ་མི་པ་རི་ཡཱ་ཡོ དྷ་མྨ་པ་རི་ཡཱ་ཡོ’’ཏི. པ་ཋ་མཾ.