༥. སཾ་ཝ་ར་སུ་ཏྟཾ

༩༨. ‘‘སཾ་ཝ་ར་ཉྩ ཝོ, བྷི་ཀྑ་ཝེ, དེ་སེ་སྶཱ་མི, ཨ་སཾ་ཝ་ར་ཉྩ. ཏཾ སུ་ཎཱ་ཐ. ཀ་ཐ་ཉྩ, བྷི་ཀྑ་ཝེ, ཨ་སཾ་ཝ་རོ ཧོ་ཏི? ས་ནྟི, བྷི་ཀྑ་ཝེ, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏི, ཝེ་དི་ཏ་བྦ་མེ་ཏཾ, བྷི་ཀྑ་ཝེ, བྷི་ཀྑུ་ནཱ – ‘པ་རི་ཧཱ་ཡཱ་མི ཀུ་ས་ལེ་ཧི དྷ་མྨེ་ཧི’. པ་རི་ཧཱ་ན་ཉྷེ་ཏཾ ཝུ་ཏྟཾ བྷ་ག་ཝ་ཏཱ་ཏི…པེ… ས་ནྟི, བྷི་ཀྑ་ཝེ, ཛི་ཝ྄ཧཱ་ཝི་ཉྙེ་ཡྻཱ ར་སཱ…པེ… ས་ནྟི, བྷི་ཀྑ་ཝེ, མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ཨ་བྷི་ན་ནྡ་ཏི ཨ་བྷི་ཝ་ད་ཏི ཨ་ཛ྄ཛྷོ་སཱ་ཡ ཏི་ཊྛ་ཏི, ཝེ་དི་ཏ་བྦ་མེ་ཏཾ, བྷི་ཀྑ་ཝེ, བྷི་ཀྑུ་ནཱ – ‘པ་རི་ཧཱ་ཡཱ་མི ཀུ་ས་ལེ་ཧི དྷ་མྨེ་ཧི’. པ་རི་ཧཱ་ན་ཉྷེ་ཏཾ ཝུ་ཏྟཾ བྷ་ག་ཝ་ཏཱ་ཏི. ཨེ་ཝཾ ཁོ, བྷི་ཀྑ་ཝེ, ཨ་སཾ་ཝ་རོ ཧོ་ཏི.

‘‘ཀ་ཐ་ཉྩ, བྷི་ཀྑ་ཝེ, སཾ་ཝ་རོ ཧོ་ཏི? ས་ནྟི, བྷི་ཀྑ་ཝེ, ཙ་ཀྑུ་ཝི་ཉྙེ་ཡྻཱ རཱུ་པཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ནཱ་བྷི་ན་ནྡ་ཏི ནཱ་བྷི་ཝ་ད་ཏི ནཱ་ཛ྄ཛྷོ་སཱ་ཡ ཏི་ཊྛ་ཏི, ཝེ་དི་ཏ་བྦ་མེ་ཏཾ, བྷི་ཀྑ་ཝེ, བྷི་ཀྑུ་ནཱ – ‘ན པ་རི་ཧཱ་ཡཱ་མི ཀུ་ས་ལེ་ཧི དྷ་མྨེ་ཧི’. ཨ་པ་རི་ཧཱ་ན་ཉྷེ་ཏཾ ཝུ་ཏྟཾ བྷ་ག་ཝ་ཏཱ་ཏི …པེ… ས་ནྟི, བྷི་ཀྑ་ཝེ, ཛི་ཝ྄ཧཱ་ཝི་ཉྙེ་ཡྻཱ ར་སཱ…པེ… ས་ནྟི, བྷི་ཀྑ་ཝེ, མ་ནོ་ཝི་ཉྙེ་ཡྻཱ དྷ་མྨཱ ཨི་ཊྛཱ ཀ་ནྟཱ མ་ནཱ་པཱ པི་ཡ་རཱུ་པཱ ཀཱ་མཱུ་པ་སཾ་ཧི་ཏཱ ར་ཛ་ནཱི་ཡཱ. ཏ་ཉྩེ བྷི་ཀྑུ ནཱ་བྷི་ན་ནྡ་ཏི ནཱ་བྷི་ཝ་ད་ཏི ནཱ་ཛ྄ཛྷོ་སཱ་ཡ ཏི་ཊྛ་ཏི, ཝེ་དི་ཏ་བྦ་མེ་ཏཾ བྷི་ཀྑུ་ནཱ – ‘ན པ་རི་ཧཱ་ཡཱ་མི ཀུ་ས་ལེ་ཧི དྷ་མྨེ་ཧི’. ཨ་པ་རི་ཧཱ་ན་ཉྷེ་ཏཾ ཝུ་ཏྟཾ བྷ་ག་ཝ་ཏཱ་ཏི. ཨེ་ཝཾ ཁོ, བྷི་ཀྑ་ཝེ, སཾ་ཝ་རོ ཧོ་ཏཱི’’ཏི. པ་ཉྩ་མཾ.