༡. ན་ཝཱ་ཏ་སུ་ཏྟཾ

༢༥༠. སཱ་ཝ་ཏྠི་ནི་དཱ་ནཾ. ‘‘ཀི་སྨིཾ ནུ ཁོ, བྷི་ཀྑ་ཝེ, ས་ཏི, ཀིཾ ཨུ་པཱ་དཱ་ཡ, ཀིཾ ཨ་བྷི་ནི་ཝི་སྶ ཨེ་ཝཾ དི་ཊྛི ཨུ་པྤ་ཛྫ་ཏི – ‘ན ཝཱ་ཏཱ ཝཱ་ཡ་ནྟི, ན ན་ཛྫོ ས་ནྡ་ནྟི, ན ག་བྦྷི་ནི་ཡོ ཝི་ཛཱ་ཡ་ནྟི, ན ཙ་ནྡི་མ་སཱུ་རི་ཡཱ ཨུ་དེ་ནྟི ཝཱ ཨ་པེ་ནྟི ཝཱ ཨེ་སི་ཀ་ཊྛཱ་ཡི་ཊྛི་ཏཱ’’’ཏི? བྷ་ག་ཝཾ་མཱུ་ལ་ཀཱ ནོ, བྷ་ནྟེ, དྷ་མྨཱ…པེ….

‘‘རཱུ་པེ ཁོ, བྷི་ཀྑ་ཝེ, ས་ཏི, རཱུ་པཾ ཨུ་པཱ་དཱ་ཡ, རཱུ་པཾ ཨ་བྷི་ནི་ཝི་སྶ ཨེ་ཝཾ དི་ཊྛི ཨུ་པྤ་ཛྫ་ཏི – ན ཝཱ་ཏཱ ཝཱ་ཡ་ནྟི…པེ… ཝེ་ད་ནཱ་ཡ ས་ཏི… ས་ཉྙཱ་ཡ ས་ཏི… ས་ངྑཱ་རེ་སུ ས་ཏི… ཝི་ཉྙཱ་ཎེ ས་ཏི, ཝི་ཉྙཱ་ཎཾ ཨུ་པཱ་དཱ་ཡ, ཝི་ཉྙཱ་ཎཾ ཨ་བྷི་ནི་ཝི་སྶ ཨེ་ཝཾ དི་ཊྛི ཨུ་པྤ་ཛྫ་ཏི – ‘ན ཝཱ་ཏཱ ཝཱ་ཡ་ནྟི…པེ… ཨེ་སི་ཀ་ཊྛཱ་ཡི་ཊྛི་ཏཱ’’’ཏི.

‘‘ཏཾ ཀིཾ མ་ཉྙ་ཐ, བྷི་ཀྑ་ཝེ, རཱུ་པཾ ནི་ཙྩཾ ཝཱ ཨ་ནི་ཙྩཾ ཝཱ’’ཏི? ‘‘ཨ་ནི་ཙྩཾ, བྷ་ནྟེ’’…པེ… ཝི་པ་རི་ཎཱ་མ་དྷ་མྨཾ, ཨ་པི ནུ ཏཾ ཨ་ནུ་པཱ་དཱ་ཡ ཨེ་ཝཾ དི་ཊྛི ཨུ་པྤ་ཛྫེ་ཡྻ – ‘ན ཝཱ་ཏཱ ཝཱ་ཡ་ནྟི…པེ… ཨེ་སི་ཀ་ཊྛཱ་ཡི་ཊྛི་ཏཱ’’’ཏི? ‘‘ནོ ཧེ་ཏཾ, བྷ་ནྟེ’’. ‘‘ཨི་ཏི ཁོ, བྷི་ཀྑ་ཝེ, ཡ་ད་ནི་ཙྩཾ ཏཾ དུ་ཀྑཾ. ཏ་སྨིཾ ས་ཏི, ཏ་དུ་པཱ་དཱ་ཡ, ཨེ་ཝཾ དི་ཊྛི ཨུ་པྤ་ཛྫ་ཏི – ‘ན ཝཱ་ཏཱ ཝཱ་ཡ་ནྟི, ན ན་ཛྫོ ས་ནྡ་ནྟི, ན ག་བྦྷི་ནི་ཡོ ཝི་ཛཱ་ཡ་ནྟི, ན ཙ་ནྡི་མ་སཱུ་རི་ཡཱ ཨུ་དེ་ནྟི ཝཱ ཨ་པེ་ནྟི ཝཱ ཨེ་སི་ཀ་ཊྛཱ་ཡི་ཊྛི་ཏཱ’’’ཏི. ‘‘ཝེ་ད་ནཱ… ས་ཉྙཱ… ས་ངྑཱ་རཱ… ཝི་ཉྙཱ་ཎཾ ནི་ཙྩཾ ཝཱ ཨ་ནི་ཙྩཾ ཝཱ’’ཏི? ‘‘ཨ་ནི་ཙྩཾ, བྷ་ནྟེ’’…པེ… ཝི་པ་རི་ཎཱ་མ་དྷ་མྨཾ, ཨ་པི ནུ ཏཾ ཨ་ནུ་པཱ་དཱ་ཡ ཨེ་ཝཾ དི་ཊྛི ཨུ་པྤ་ཛྫེ་ཡྻ – ‘ན ཝཱ་ཏཱ ཝཱ་ཡ་ནྟི…པེ… ཨེ་སི་ཀ་ཊྛཱ་ཡི་ཊྛི་ཏཱ’’’ཏི? ‘‘ནོ ཧེ་ཏཾ, བྷ་ནྟེ’’. ‘‘ཨི་ཏི ཁོ, བྷི་ཀྑ་ཝེ, ཡ་ད་ནི་ཙྩཾ ཏཾ དུ་ཀྑཾ. ཏ་སྨིཾ ས་ཏི, ཏ་དུ་པཱ་དཱ་ཡ ཨེ་ཝཾ དི་ཊྛི ཨུ་པྤ་ཛྫ་ཏི – ‘ན ཝཱ་ཏཱ ཝཱ་ཡ་ནྟི…པེ… ཨེ་སི་ཀ་ཊྛཱ་ཡི་ཊྛི་ཏཱ’’’ཏི. པ་ཋ་མཾ.

༢༥༡-༢༧༤. (དུ་ཏི་ཡ་ཝ་གྒེ ཝི་ཡ ཙ་ཏུ་ཝཱི་ས་ཏི སུ་ཏྟཱ་ནི པཱུ་རེ་ཏ་བྦཱ་ནི.) པ་ཉྩ་ཝཱི་ས་ཏི་མཾ.