༦. དུ་ཏི་ཡ་ཨ་སྶཱ་ད་སུ་ཏྟཾ

༢༧. སཱ་ཝ་ཏྠི་ནི་དཱ་ནཾ. ‘‘རཱུ་པ་སྶཱ་ཧཾ, བྷི་ཀྑ་ཝེ, ཨ་སྶཱ་ད་པ་རི་ཡེ་ས་ནཾ ཨ་ཙ་རིཾ. ཡོ རཱུ་པ་སྶ ཨ་སྶཱ་དོ ཏ་ད་ཛ྄ཛྷ་ག་མཾ. ཡཱ་ཝ་ཏཱ རཱུ་པ་སྶ ཨ་སྶཱ་དོ པ་ཉྙཱ་ཡ མེ སོ སུ་དི་ཊྛོ. རཱུ་པ་སྶཱ་ཧཾ, བྷི་ཀྑ་ཝེ, ཨཱ་དཱི་ན་ཝ་པ་རི་ཡེ་ས་ནཾ ཨ་ཙ་རིཾ. ཡོ རཱུ་པ་སྶ ཨཱ་དཱི་ན་ཝོ ཏ་ད་ཛ྄ཛྷ་ག་མཾ. ཡཱ་ཝ་ཏཱ རཱུ་པ་སྶ ཨཱ་དཱི་ན་ཝོ པ་ཉྙཱ་ཡ མེ སོ སུ་དི་ཊྛོ. རཱུ་པ་སྶཱ་ཧཾ, བྷི་ཀྑ་ཝེ, ནི་སྶ་ར་ཎ་པ་རི་ཡེ་ས་ནཾ ཨ་ཙ་རིཾ. ཡཾ རཱུ་པ་སྶ ནི་སྶ་ར་ཎཾ ཏ་ད་ཛ྄ཛྷ་ག་མཾ. ཡཱ་ཝ་ཏཱ རཱུ་པ་སྶ ནི་སྶ་ར་ཎཾ པ་ཉྙཱ་ཡ མེ ཏཾ སུ་དི་ཊྛཾ. ཝེ་ད་ནཱ་ཡཱ་ཧཾ, བྷི་ཀྑ་ཝེ… ས་ཉྙཱ་ཡཱ་ཧཾ, བྷི་ཀྑ་ཝེ… ས་ངྑཱ་རཱ་ནཱ་ཧཾ, བྷི་ཀྑ་ཝེ… ཝི་ཉྙཱ་ཎ་སྶཱ་ཧཾ, བྷི་ཀྑ་ཝེ, ཨ་སྶཱ་ད་པ་རི་ཡེ་ས་ནཾ ཨ་ཙ་རིཾ. ཡོ ཝི་ཉྙཱ་ཎ་སྶ ཨ་སྶཱ་དོ ཏ་ད་ཛ྄ཛྷ་ག་མཾ. ཡཱ་ཝ་ཏཱ ཝི་ཉྙཱ་ཎ་སྶ ཨ་སྶཱ་དོ པ་ཉྙཱ་ཡ མེ སོ སུ་དི་ཊྛོ. ཝི་ཉྙཱ་ཎ་སྶཱ་ཧཾ, བྷི་ཀྑ་ཝེ, ཨཱ་དཱི་ན་ཝ་པ་རི་ཡེ་ས་ནཾ ཨ་ཙ་རིཾ. ཡོ ཝི་ཉྙཱ་ཎ་སྶ ཨཱ་དཱི་ན་ཝོ ཏ་ད་ཛ྄ཛྷ་ག་མཾ. ཡཱ་ཝ་ཏཱ ཝི་ཉྙཱ་ཎ་སྶ ཨཱ་དཱི་ན་ཝོ པ་ཉྙཱ་ཡ མེ སོ སུ་དི་ཊྛོ. ཝི་ཉྙཱ་ཎ་སྶཱ་ཧཾ, བྷི་ཀྑ་ཝེ, ནི་སྶ་ར་ཎ་པ་རི་ཡེ་ས་ནཾ ཨ་ཙ་རིཾ. ཡཾ ཝི་ཉྙཱ་ཎ་སྶ ནི་སྶ་ར་ཎཾ ཏ་ད་ཛ྄ཛྷ་ག་མཾ. ཡཱ་ཝ་ཏཱ ཝི་ཉྙཱ་ཎ་སྶ ནི་སྶ་ར་ཎཾ པ་ཉྙཱ་ཡ མེ ཏཾ སུ་དི་ཊྛཾ. ཡཱ་ཝ་ཀཱི་ཝ་ཉྩཱ་ཧཾ, བྷི་ཀྑ་ཝེ, ཨི་མེ་སཾ པ་ཉྩ་ནྣཾ ཨུ་པཱ་དཱ་ན་ཀྑ་ནྡྷཱ་ནཾ ཨ་སྶཱ་ད་ཉྩ ཨ་སྶཱ་ད་ཏོ ཨཱ་དཱི་ན་ཝ་ཉྩ ཨཱ་དཱི་ན་ཝ་ཏོ ནི་སྶ་ར་ཎ་ཉྩ ནི་སྶ་ར་ཎ་ཏོ ཡ་ཐཱ་བྷཱུ་ཏཾ ནཱ་བྦྷ་ཉྙཱ་སིཾ…པེ… ཨ་བྦྷ་ཉྙཱ་སིཾ. ཉཱ་ཎ་ཉྩ པ་ན མེ ད་སྶ་ནཾ ཨུ་ད་པཱ་དི – ‘ཨ་ཀུ་པྤཱ མེ ཝི་མུ་ཏྟི [ཙེ་ཏོ་ཝི་མུ་ཏྟི (སཱི. པཱི. ཀ.)]; ཨ་ཡ་མ་ནྟི་མཱ ཛཱ་ཏི; ན་ཏྠི དཱ་ནི པུ་ན་བྦྷ་ཝོ’’’ཏི. ཚ་ཊྛཾ.