༤. ཚ་ནྡ་རཱ་ག་སུ་ཏྟཾ

༢༥. སཱ་ཝ་ཏྠི་ནི་དཱ་ནཾ. ‘‘ཡོ, བྷི་ཀྑ་ཝེ, རཱུ་པ་སྨིཾ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ ཏཾ རཱུ་པཾ པ་ཧཱི་ནཾ བྷ་ཝི་སྶ་ཏི ཨུ་ཙྪི་ནྣ་མཱུ་ལཾ ཏཱ་ལཱ་ཝ་ཏྠུ་ཀ་ཏཾ ཨ་ན་བྷཱ་ཝཾ་ཀ་ཏཾ ཨཱ་ཡ་ཏིཾ ཨ་ནུ་པྤཱ་ད་དྷ་མྨཾ. ཡོ ཝེ་ད་ནཱ་ཡ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ སཱ ཝེ་ད་ནཱ པ་ཧཱི་ནཱ བྷ་ཝི་སྶ་ཏི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཡོ ས་ཉྙཱ་ཡ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ སཱ ས་ཉྙཱ པ་ཧཱི་ནཱ བྷ་ཝི་སྶ་ཏི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཡོ ས་ངྑཱ་རེ་སུ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ ཏེ ས་ངྑཱ་རཱ པ་ཧཱི་ནཱ བྷ་ཝི་སྶ་ནྟི ཨུ་ཙྪི་ནྣ་མཱུ་ལཱ ཏཱ་ལཱ་ཝ་ཏྠུ་ཀ་ཏཱ ཨ་ན་བྷཱ་ཝཾ་ཀ་ཏཱ ཨཱ་ཡ་ཏིཾ ཨ་ནུ་པྤཱ་ད་དྷ་མྨཱ. ཡོ ཝི་ཉྙཱ་ཎ་སྨིཾ ཚ་ནྡ་རཱ་གོ ཏཾ པ་ཛ་ཧ་ཐ. ཨེ་ཝཾ ཏཾ ཝི་ཉྙཱ་ཎཾ པ་ཧཱི་ནཾ བྷ་ཝི་སྶ་ཏི ཨུ་ཙྪི་ནྣ་མཱུ་ལཾ ཏཱ་ལཱ་ཝ་ཏྠུ་ཀ་ཏཾ ཨ་ན་བྷཱ་ཝཾ་ཀ་ཏཾ ཨཱ་ཡ་ཏིཾ ཨ་ནུ་པྤཱ་ད་དྷ་མྨ’’ནྟི. ཙ་ཏུ་ཏྠཾ.