༡༤. ཨ་ན་ཏྟཱ་ནུ་པ་སྶཱི་སུ་ཏྟཾ

༡༤༩. སཱ་ཝ་ཏྠི་ནི་དཱ་ནཾ. ‘‘ས་དྡྷཱ་པ་བྦ་ཛི་ཏ་སྶ, བྷི་ཀྑ་ཝེ, ཀུ་ལ་པུ་ཏྟ་སྶ ཨ་ཡ་མ་ནུ་དྷ་མྨོ ཧོ་ཏི – ཡཾ རཱུ་པེ ཨ་ན་ཏྟཱ་ནུ་པ་སྶཱི ཝི་ཧ་རེ་ཡྻ. ཝེ་ད་ནཱ་ཡ… ས་ཉྙཱ་ཡ… ས་ངྑཱ་རེ་སུ… ཝི་ཉྙཱ་ཎེ ཨ་ན་ཏྟཱ་ནུ་པ་སྶཱི ཝི་ཧ་རེ་ཡྻ. (སོ རཱུ་པེ) ཨ་ན་ཏྟཱ་ནུ་པ་སྶཱི ཝི་ཧ་ར་ནྟོ, ཝེ་ད་ནཱ་ཡ… ས་ཉྙཱ་ཡ… ས་ངྑཱ་རེ་སུ… ཝི་ཉྙཱ་ཎེ ཨ་ན་ཏྟཱ་ནུ་པ་སྶཱི ཝི་ཧ་ར་ནྟོ རཱུ་པཾ པ་རི་ཛཱ་ནཱ་ཏི, ཝེ་ད་ནཾ…པེ… ས་ཉྙཾ… ས་ངྑཱ་རེ… ཝི་ཉྙཱ་ཎཾ པ་རི་ཛཱ་ནཱ་ཏི. སོ རཱུ་པཾ པ་རི་ཛཱ་ནཾ ཝེ་ད་ནཾ པ་རི་ཛཱ་ནཾ ས་ཉྙཾ པ་རི་ཛཱ་ནཾ ས་ངྑཱ་རེ པ་རི་ཛཱ་ནཾ ཝི་ཉྙཱ་ཎཾ པ་རི་ཛཱ་ནཾ པ་རི་མུ་ཙྩ་ཏི རཱུ་པ་མྷཱ, པ་རི་མུ་ཙྩ་ཏི ཝེ་ད་ནཱ་ཡ, པ་རི་མུ་ཙྩ་ཏི ས་ཉྙཱ་ཡ, པ་རི་མུ་ཙྩ་ཏི ས་ངྑཱ་རེ་ཧི, པ་རི་མུ་ཙྩ་ཏི ཝི་ཉྙཱ་ཎ་མྷཱ, པ་རི་མུ་ཙྩ་ཏི ཛཱ་ཏི་ཡཱ ཛ་རཱ་ཡ མ་ར་ཎེ་ན སོ་ཀེ་ཧི པ་རི་དེ་ཝེ་ཧི དུ་ཀྑེ་ཧི དོ་མ་ན་སྶེ་ཧི ཨུ་པཱ་ཡཱ་སེ་ཧི; ‘པ་རི་མུ་ཙྩ་ཏི དུ་ཀྑ་སྨཱ’ཏི ཝ་དཱ་མཱི’’ཏི. ཙུ་དྡ་ས་མཾ.

ཀུ་ཀྐུ་ལ༹་ཝ་གྒོ ཙུ་དྡ་ས་མོ.

ཏ་སྶུ་དྡཱ་ནཾ –

ཀུ་ཀྐུ་ལཱ༹ ཏ་ཡོ ཨ་ནི་ཙྩེ་ན, དུ་ཀྑེ་ན ཨ་པ་རེ ཏ་ཡོ;

ཨ་ན་ཏྟེ་ན ཏ་ཡོ ཝུ་ཏྟཱ, ཀུ་ལ་པུ་ཏྟེ་ན དྭེ དུ་ཀཱ་ཏི.