༥. ས་ཏྟི་སུ་ཏྟཾ

༢༢༧. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘སེ་ཡྻ་ཐཱ་པི, བྷི་ཀྑ་ཝེ, ས་ཏྟི ཏི་ཎྷ་ཕ་ལཱ. ཨ་ཐ པུ་རི་སོ ཨཱ་ག་ཙྪེ་ཡྻ – ‘ཨ་ཧཾ ཨི་མཾ ས་ཏྟིཾ ཏི་ཎྷ་ཕ་ལཾ པཱ་ཎི་ནཱ ཝཱ མུ་ཊྛི་ནཱ ཝཱ པ་ཊི་ལེ་ཎི་སྶཱ་མི པ་ཊི་ཀོ་ཊྚི་སྶཱ་མི པ་ཊི་ཝ་ཊྚེ་སྶཱ་མཱི’ཏི. ཏཾ ཀིཾ མ་ཉྙ་ཐ, བྷི་ཀྑ་ཝེ, བྷ་བྦོ ནུ ཁོ སོ པུ་རི་སོ ཨ་མུཾ ས་ཏྟིཾ ཏི་ཎྷ་ཕ་ལཾ པཱ་ཎི་ནཱ ཝཱ མུ་ཊྛི་ནཱ ཝཱ པ་ཊི་ལེ་ཎེ་ཏུཾ པ་ཊི་ཀོ་ཊྚེ་ཏུཾ པ་ཊི་ཝ་ཊྚེ་ཏུ’’ནྟི? ‘‘ནོ ཧེ་ཏཾ, བྷ་ནྟེ’’. ‘‘ཏཾ ཀི་སྶ ཧེ་ཏུ’’? ‘‘ཨ་སུ ཧི, བྷ་ནྟེ, ས་ཏྟི ཏི་ཎྷ་ཕ་ལཱ ན སུ་ཀ་རཱ པཱ་ཎི་ནཱ ཝཱ མུ་ཊྛི་ནཱ ཝཱ པ་ཊི་ལེ་ཎེ་ཏུཾ པ་ཊི་ཀོ་ཊྚེ་ཏུཾ པ་ཊི་ཝ་ཊྚེ་ཏུཾ. ཡཱ་ཝ་དེ་ཝ ཙ པ་ན སོ པུ་རི་སོ ཀི་ལ་མ་ཐ་སྶ ཝི་གྷཱ་ཏ་སྶ བྷཱ་གཱི ཨ་སྶཱ’’ཏི.

‘‘ཨེ་ཝ་མེ་ཝ ཁོ, བྷི་ཀྑ་ཝེ, ཡ་སྶ ཀ་སྶ་ཙི བྷི་ཀྑུ་ནོ མེ་ཏྟཱ་ཙེ་ཏོ་ཝི་མུ་ཏྟི བྷཱ་ཝི་ཏཱ བ་ཧུ་ལཱི་ཀ་ཏཱ ཡཱ་ནཱི་ཀ་ཏཱ ཝ་ཏྠུ་ཀ་ཏཱ ཨ་ནུ་ཊྛི་ཏཱ པ་རི་ཙི་ཏཱ སུ་ས་མཱ་ར་དྡྷཱ, ཏ་སྶ ཙེ ཨ་མ་ནུ་སྶོ ཙི་ཏྟཾ ཁི་པི་ཏ་བྦཾ མ་ཉྙེ་ཡྻ; ཨ་ཐ ཁོ སྭེ་ཝ ཨ་མ་ནུ་སྶོ ཀི་ལ་མ་ཐ་སྶ ཝི་གྷཱ་ཏ་སྶ བྷཱ་གཱི ཨ་སྶ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘མེ་ཏྟཱ ནོ ཙེ་ཏོ་ཝི་མུ་ཏྟི བྷཱ་ཝི་ཏཱ བྷ་ཝི་སྶ་ཏི བ་ཧུ་ལཱི་ཀ་ཏཱ ཡཱ་ནཱི་ཀ་ཏཱ ཝ་ཏྠུ་ཀ་ཏཱ ཨ་ནུ་ཊྛི་ཏཱ པ་རི་ཙི་ཏཱ སུ་ས་མཱ་ར་དྡྷཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. པ་ཉྩ་མཾ.