༢. ན་ཁ་སི་ཁ་སུ་ཏྟཾ

༢༢༤. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ བྷ་ག་ཝཱ པ་རི་ཏྟཾ ན་ཁ་སི་ཁཱ་ཡཾ པཾ་སུཾ ཨཱ་རོ་པེ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ཏཾ ཀིཾ མ་ཉྙ་ཐ བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ, ཡོ ཝཱ་ཡཾ [ཡོ ཙཱ་ཡཾ (བ་ཧཱུ་སུ)] མ་ཡཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ ཨ་ཡཾ ཝཱ [ཡཱ ཙཱ་ཡཾ (སྱཱ. ཀ.)] མ་ཧཱ་པ་ཐ་ཝཱི’’ཏི? ‘‘ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ ཡ་དི་དཾ མ་ཧཱ་པ་ཐ་ཝཱི. ཨ་པྤ་མ་ཏྟ་ཀོ་ཡཾ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ. ས་ངྑ་མྤི ན ཨུ་པེ་ཏི ཨུ་པ་ནི་དྷི་མྤི ན ཨུ་པེ་ཏི ཀ་ལ་བྷཱ་ག་མྤི ན ཨུ་པེ་ཏི མ་ཧཱ་པ་ཐ་ཝིཾ ཨུ་པ་ནི་དྷཱ་ཡ བྷ་ག་ཝ་ཏཱ པ་རི་ཏྟོ ན་ཁ་སི་ཁཱ་ཡཾ པཾ་སུ ཨཱ་རོ་པི་ཏོ’’ཏི. ‘‘ཨེ་ཝ་མེ་ཝ ཁོ, བྷི་ཀྑ་ཝེ, ཨ་པྤ་ཀཱ ཏེ ས་ཏྟཱ ཡེ མ་ནུ་སྶེ་སུ པ་ཙྩཱ་ཛཱ་ཡ་ནྟི; ཨ་ཐ ཁོ ཨེ་ཏེ་ཡེ་ཝ བ་ཧུ་ཏ་རཱ ས་ཏྟཱ ཡེ ཨ་ཉྙ་ཏྲ མ་ནུ་སྶེ་ཧི པ་ཙྩཱ་ཛཱ་ཡ་ནྟི. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝཾ སི་ཀྑི་ཏ་བྦཾ – ‘ཨ་པྤ་མ་ཏྟཱ ཝི་ཧ་རི་སྶཱ་མཱ’ཏི. ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. དུ་ཏི་ཡཾ.