༩. ར་ཛྫུ་སུ་ཏྟཾ

༡༧༨. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དཱ་རུ་ཎོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ. ལཱ་བྷ་ས་ཀྐཱ་ར་སི་ལོ་ཀོ, བྷི་ཀྑ་ཝེ, ཚ་ཝིཾ ཚི་ནྡ་ཏི, ཚ་ཝིཾ ཚེ་ཏྭཱ ཙ་མྨཾ ཚི་ནྡ་ཏི, ཙ་མྨཾ ཚེ་ཏྭཱ མཾ་སཾ ཚི་ནྡ་ཏི, མཾ་སཾ ཚེ་ཏྭཱ ནྷཱ་རུཾ ཚི་ནྡ་ཏི, ནྷཱ་རུཾ ཚེ་ཏྭཱ ཨ་ཊྛིཾ ཚི་ནྡ་ཏི, ཨ་ཊྛིཾ ཚེ་ཏྭཱ ཨ་ཊྛི་མི་ཉྫཾ ཨཱ་ཧ་ཙྩ ཏི་ཊྛ་ཏི’’.

‘‘སེ་ཡྻ་ཐཱ་པི, བྷི་ཀྑ་ཝེ, བ་ལ་ཝཱ པུ་རི་སོ ད་ལ༹ྷཱ་ཡ ཝཱ་ལ༹་ར་ཛྫུ་ཡཱ ཛ་ངྒྷཾ ཝེ་ཋེ་ཏྭཱ གྷཾ་སེ་ཡྻ. སཱ ཚ་ཝིཾ ཚི་ནྡེ་ཡྻ, ཚ་ཝིཾ ཚེ་ཏྭཱ ཙ་མྨཾ ཚི་ནྡེ་ཡྻ, ཙ་མྨཾ ཚེ་ཏྭཱ མཾ་སཾ ཚི་ནྡེ་ཡྻ, མཾ་སཾ ཚེ་ཏྭཱ ནྷཱ་རུཾ ཚི་ནྡེ་ཡྻ, ནྷཱ་རུཾ ཚེ་ཏྭཱ ཨ་ཊྛིཾ ཚི་ནྡེ་ཡྻ, ཨ་ཊྛིཾ ཚེ་ཏྭཱ ཨ་ཊྛི་མི་ཉྫཾ ཨཱ་ཧ་ཙྩ ཏི་ཊྛེ་ཡྻ. ཨེ་ཝ་མེ་ཝ ཁོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ ཚ་ཝིཾ ཚི་ནྡ་ཏི, ཚ་ཝིཾ ཚེ་ཏྭཱ ཙ་མྨཾ ཚི་ནྡ་ཏི, ཙ་མྨཾ ཚེ་ཏྭཱ མཾ་སཾ ཚི་ནྡ་ཏི, མཾ་སཾ ཚེ་ཏྭཱ ནྷཱ་རུཾ ཚི་ནྡ་ཏི, ནྷཱ་རུཾ ཚེ་ཏྭཱ ཨ་ཊྛིཾ ཚི་ནྡ་ཏི, ཨ་ཊྛིཾ ཚེ་ཏྭཱ ཨ་ཊྛིཾ་མི་ཉྫཾ ཨཱ་ཧ་ཙྩ ཏི་ཊྛ་ཏི. ཨེ་ཝཾ དཱ་རུ་ཎོ ཁོ, བྷི་ཀྑ་ཝེ, ལཱ་བྷ་ས་ཀྐཱ་ར་སི་ལོ་ཀོ…པེ… ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ’’ནྟི. ན་ཝ་མཾ.