༩. ད་ཎྜ་སུ་ཏྟཾ

༡༣༢. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. སེ་ཡྻ་ཐཱ་པི, བྷི་ཀྑ་ཝེ, ད་ཎྜོ ཨུ་པ་རི་ཝེ་ཧཱ་སཾ ཁི་ཏྟོ ས་ཀི་མྤི མཱུ་ལེ་ན ནི་པ་ཏ་ཏི, ས་ཀི་མྤི མ་ཛ྄ཛྷེ་ན ནི་པ་ཏ་ཏི, ས་ཀི་མྤི ཨ་ནྟེ་ན ནི་པ་ཏ་ཏི; ཨེ་ཝ་མེ་ཝ ཁོ, བྷི་ཀྑ་ཝེ, ཨ་ཝི་ཛྫཱ་ནཱི་ཝ་ར་ཎཱ ས་ཏྟཱ ཏ་ཎྷཱ་སཾ་ཡོ་ཛ་ནཱ ས་ནྡྷཱ་ཝ་ནྟཱ སཾ་ས་ར་ནྟཱ ས་ཀི་མྤི ཨ་སྨཱ ལོ་ཀཱ པ་རཾ ལོ་ཀཾ ག་ཙྪ་ནྟི, ས་ཀི་མྤི པ་ར་སྨཱ ལོ་ཀཱ ཨི་མཾ ལོ་ཀཾ ཨཱ་ག་ཙྪ་ནྟི. ཏཾ ཀི་སྶ ཧེ་ཏུ? ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ…པེ… ཨ་ལཾ ཝི་མུ་ཙྩི་ཏུ’’ནྟི. ན་ཝ་མཾ.