༤. ཁཱི་ར་སུ་ཏྟཾ

༡༢༧. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. ཏཾ ཀིཾ མ་ཉྙ་ཐ, བྷི་ཀྑ་ཝེ, ཀ་ཏ་མཾ ནུ ཁོ བ་ཧུ་ཏ་རཾ, ཡཾ ཝཱ ཝོ ཨི་མི་ནཱ དཱི་གྷེ་ན ཨ་དྡྷུ་ནཱ ས་ནྡྷཱ་ཝ་ཏཾ སཾ་ས་ར་ཏཾ མཱ་ཏུ་ཐ་ཉྙཾ པཱི་ཏཾ, ཡཾ ཝཱ ཙ་ཏཱུ་སུ མ་ཧཱ་ས་མུ་དྡེ་སུ ཨུ་ད་ཀ’’ནྟི? ‘‘ཡ་ཐཱ ཁོ མ་ཡཾ, བྷ་ནྟེ, བྷ་ག་ཝ་ཏཱ དྷ་མྨཾ དེ་སི་ཏཾ ཨཱ་ཛཱ་ནཱ་མ, ཨེ་ཏ་དེ་ཝ, བྷ་ནྟེ, བ་ཧུ་ཏ་རཾ ཡཾ ནོ ཨི་མི་ནཱ དཱི་གྷེ་ན ཨ་དྡྷུ་ནཱ ས་ནྡྷཱ་ཝ་ཏཾ སཾ་ས་ར་ཏཾ མཱ་ཏུ་ཐ་ཉྙཾ པཱི་ཏཾ, ན ཏྭེ་ཝ ཙ་ཏཱུ་སུ མ་ཧཱ་ས་མུ་དྡེ་སུ ཨུ་ད་ཀ’’ནྟི.

‘‘སཱ་དྷུ སཱ་དྷུ, བྷི་ཀྑ་ཝེ, སཱ་དྷུ ཁོ མེ ཏུ་མྷེ, བྷི་ཀྑ་ཝེ, ཨེ་ཝཾ དྷ་མྨཾ དེ་སི་ཏཾ ཨཱ་ཛཱ་ནཱ་ཐ. ཨེ་ཏ་དེ་ཝ, བྷི་ཀྑ་ཝེ, བ་ཧུ་ཏ་རཾ ཡཾ ཝོ ཨི་མི་ནཱ དཱི་གྷེ་ན ཨ་དྡྷུ་ནཱ ས་ནྡྷཱ་ཝ་ཏཾ སཾ་ས་ར་ཏཾ མཱ་ཏུ་ཐ་ཉྙཾ པཱི་ཏཾ, ན ཏྭེ་ཝ ཙ་ཏཱུ་སུ མ་ཧཱ་ས་མུ་དྡེ་སུ ཨུ་ད་ཀཾ. ཏཾ ཀི་སྶ ཧེ་ཏུ? ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ…པེ… ཨ་ལཾ ཝི་མུ་ཙྩི་ཏུ’’ནྟི. ཙ་ཏུ་ཏྠཾ.