༡. ཏི་ཎ་ཀ་ཊྛ་སུ་ཏྟཾ

༡༢༤. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏ་ཏྲ ཁོ བྷ་ག་ཝཱ བྷི་ཀྑཱུ ཨཱ་མ་ནྟེ་སི – ‘‘བྷི་ཀྑ་ཝོ’’ཏི. ‘‘བྷ་ད་ནྟེ’’ཏི ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཨ་ན་མ་ཏ་གྒོ་ཡཾ [ཨ་ན་མ་ཏ་གྒཱ་ཡཾ (པཱི. ཀ.)] བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. སེ་ཡྻ་ཐཱ་པི, བྷི་ཀྑ་ཝེ, པུ་རི་སོ ཡཾ ཨི་མ་སྨིཾ ཛ་མྦུ་དཱི་པེ ཏི་ཎ་ཀ་ཊྛ་སཱ་ཁཱ་པ་ལཱ་སཾ ཏཾ ཚེ་ཏྭཱ [ཏ་ཙྪེ་ཏྭཱ (བ་ཧཱུ་སུ)] ཨེ་ཀ་ཛ྄ཛྷཾ སཾ་ཧ་རི་ཏྭཱ ཙ་ཏུ་ར་ངྒུ་ལཾ ཙ་ཏུ་ར་ངྒུ་ལཾ གྷ་ཊི་ཀཾ ཀ་ཏྭཱ ནི་ཀྑི་པེ་ཡྻ – ‘ཨ་ཡཾ མེ མཱ་ཏཱ, ཏ་སྶཱ མེ མཱ་ཏུ ཨ་ཡཾ མཱ་ཏཱ’ཏི, ཨ་པ་རི་ཡཱ་དི་ནྣཱ་ཝ [ཨ་པ་རི་ཡཱ་དི་ཎྞཱ་ཝ (སཱི.)] བྷི་ཀྑ་ཝེ, ཏ་སྶ པུ་རི་ས་སྶ མཱ་ཏུ་མཱ་ཏ་རོ ཨ་སྶུ, ཨ་ཐ ཨི་མ་སྨིཾ ཛ་མྦུ་དཱི་པེ ཏི་ཎ་ཀ་ཊྛ་སཱ་ཁཱ་པ་ལཱ་སཾ པ་རི་ཀྑ་ཡཾ པ་རི་ཡཱ་དཱ་ནཾ ག་ཙྪེ་ཡྻ. ཏཾ ཀི་སྶ ཧེ་ཏུ? ཨ་ན་མ་ཏ་གྒོ་ཡཾ, བྷི་ཀྑ་ཝེ, སཾ་སཱ་རོ. པུ་བྦཱ ཀོ་ཊི ན པ་ཉྙཱ་ཡ་ཏི ཨ་ཝི་ཛྫཱ་ནཱི་ཝ་ར་ཎཱ་ནཾ ས་ཏྟཱ་ནཾ ཏ་ཎྷཱ་སཾ་ཡོ་ཛ་ནཱ་ནཾ ས་ནྡྷཱ་ཝ་ཏཾ སཾ་ས་ར་ཏཾ. ཨེ་ཝཾ དཱི་གྷ་ར་ཏྟཾ ཝོ, བྷི་ཀྑ་ཝེ, དུ་ཀྑཾ པ་ཙྩ་ནུ་བྷཱུ་ཏཾ ཏི་བྦཾ པ་ཙྩ་ནུ་བྷཱུ་ཏཾ བྱ་ས་ནཾ པ་ཙྩ་ནུ་བྷཱུ་ཏཾ, ཀ་ཊ་སཱི [ཀ་ཊ་སི (སཱི. པཱི. ཀ.) ཀ་ཊཱ ཚ་ཝཱ ས་ཡ་ནྟི ཨེ་ཏྠཱ་ཏི ཀ་ཊ་སཱི] ཝ་ཌྜྷི་ཏཱ. ཡཱ་ཝ་ཉྩི་དཾ, བྷི་ཀྑ་ཝེ, ཨ་ལ་མེ་ཝ ས་བྦ་ས་ངྑཱ་རེ་སུ ནི་བྦི་ནྡི་ཏུཾ ཨ་ལཾ ཝི་ར་ཛྫི་ཏུཾ ཨ་ལཾ ཝི་མུ་ཙྩི་ཏུ’’ནྟི. པ་ཋ་མཾ.