༡. དྷཱ་ཏུ་ནཱ་ན་ཏྟ་སུ་ཏྟཾ

༨༥. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དྷཱ་ཏུ་ནཱ་ན་ཏྟཾ ཝོ, བྷི་ཀྑ་ཝེ, དེ་སེ་སྶཱ་མི. ཏཾ སུ་ཎཱ་ཐ, སཱ་དྷུ་ཀཾ མ་ན་སི ཀ་རོ་ཐ; བྷཱ་སི་སྶཱ་མཱི’’ཏི. ‘‘ཨེ་ཝཾ, བྷ་ནྟེ’’ཏི ཁོ ཏེ བྷི་ཀྑཱུ བྷ་ག་ཝ་ཏོ པ་ཙྩ་སྶོ་སུཾ. བྷ་ག་ཝཱ ཨེ་ཏ་ད་ཝོ་ཙ –

‘‘ཀ་ཏ་མ་ཉྩ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ? ཙ་ཀྑུ་དྷཱ་ཏུ རཱུ་པ་དྷཱ་ཏུ ཙ་ཀྑུ་ཝི་ཉྙཱ་ཎ་དྷཱ་ཏུ, སོ་ཏ་དྷཱ་ཏུ ས་དྡ་དྷཱ་ཏུ སོ་ཏ་ཝི་ཉྙཱ་ཎ་དྷཱ་ཏུ, གྷཱ་ན་དྷཱ་ཏུ ག་ནྡྷ་དྷཱ་ཏུ གྷཱ་ན་ཝི་ཉྙཱ་ཎ་དྷཱ་ཏུ, ཛི་ཝ྄ཧཱ་དྷཱ་ཏུ ར་ས་དྷཱ་ཏུ ཛི་ཝ྄ཧཱ་ཝི་ཉྙཱ་ཎ་དྷཱ་ཏུ, ཀཱ་ཡ་དྷཱ་ཏུ ཕོ་ཊྛ་བྦ་དྷཱ་ཏུ ཀཱ་ཡ་ཝི་ཉྙཱ་ཎ་དྷཱ་ཏུ, མ་ནོ་དྷཱ་ཏུ དྷ་མྨ་དྷཱ་ཏུ མ་ནོ་ཝི་ཉྙཱ་ཎ་དྷཱ་ཏུ – ཨི་དཾ ཝུ་ཙྩ་ཏི, བྷི་ཀྑ་ཝེ, དྷཱ་ཏུ་ནཱ་ན་ཏྟ’’ནྟི. པ་ཋ་མཾ.