༢. ཕ་སྶ་ནཱ་ན་ཏྟ་སུ་ཏྟཾ

༨༦. སཱ་ཝ་ཏྠི་ཡཾ ཝི་ཧ་ར་ཏི…པེ… ‘‘དྷཱ་ཏུ་ནཱ་ན་ཏྟཾ, བྷི་ཀྑ་ཝེ, པ་ཊི་ཙྩ ཨུ་པྤ་ཛྫ་ཏི ཕ་སྶ་ནཱ་ན་ཏྟཾ. ཀ་ཏ་མ་ཉྩ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ? ཙ་ཀྑུ་དྷཱ་ཏུ སོ་ཏ་དྷཱ་ཏུ གྷཱ་ན་དྷཱ་ཏུ ཛི་ཝ྄ཧཱ་དྷཱ་ཏུ ཀཱ་ཡ་དྷཱ་ཏུ མ་ནོ་དྷཱ་ཏུ – ཨི་དཾ ཝུ་ཙྩ་ཏི, བྷི་ཀྑ་ཝེ, དྷཱ་ཏུ་ནཱ་ན་ཏྟཾ’’.

‘‘ཀ་ཐ་ཉྩ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཕ་སྶ་ནཱ་ན་ཏྟཾ? ཙ་ཀྑུ་དྷཱ་ཏུཾ, བྷི་ཀྑ་ཝེ, པ་ཊི་ཙྩ ཨུ་པྤ་ཛྫ་ཏི ཙ་ཀྑུ་ས་མྥ་སྶོ. སོ་ཏ་དྷཱ་ཏུཾ པ་ཊི་ཙྩ… གྷཱ་ན་དྷཱ་ཏུཾ པ་ཊི་ཙྩ … ཛི་ཝ྄ཧཱ་དྷཱ་ཏུཾ པ་ཊི་ཙྩ… ཀཱ་ཡ་དྷཱ་ཏུཾ པ་ཊི་ཙྩ… མ་ནོ་དྷཱ་ཏུཾ པ་ཊི་ཙྩ ཨུ་པྤ་ཛྫ་ཏི མ་ནོ་ས་མྥ་སྶོ. ཨེ་ཝཾ ཁོ, བྷི་ཀྑ་ཝེ, དྷཱ་ཏུ་ནཱ་ན་ཏྟཾ པ་ཊི་ཙྩ ཨུ་པྤ་ཛྫ་ཏི ཕ་སྶ་ནཱ་ན་ཏྟ’’ནྟི. དུ་ཏི་ཡཾ.