༩. ཏི་སྶ་སུ་ཏྟཾ

༢༤༣. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ ཨཱ་ཡ་སྨཱ ཏི་སྶོ བྷ་ག་ཝ་ཏོ པི་ཏུ་ཙྪཱ་པུ་ཏྟོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ནི་སཱི་དི དུ་ཀྑཱི དུ་མྨ་ནོ ཨ་སྶཱུ་ནི པ་ཝ་ཏྟ་ཡ་མཱ་ནོ. ཨ་ཐ ཁོ བྷ་ག་ཝཱ ཨཱ་ཡ་སྨ་ནྟཾ ཏི་སྶཾ ཨེ་ཏ་ད་ཝོ་ཙ – ‘‘ཀིཾ ནུ ཁོ ཏྭཾ, ཏི་སྶ, ཨེ་ཀ་མ་ནྟཾ ནི་སི་ནྣོ དུ་ཀྑཱི དུ་མྨ་ནོ ཨ་སྶཱུ་ནི པ་ཝ་ཏྟ་ཡ་མཱ་ནོ’’ཏི? ‘‘ཏ་ཐཱ ཧི པ་ན མཾ, བྷ་ནྟེ, བྷི་ཀྑཱུ ས་མ་ནྟཱ ཝཱ་ཙཱ་ས་ནྣི་ཏོ་ད་ཀེ་ན [ཝཱ་ཙཱ་ཡ ས་ནྣི་ཏོ་ད་ཀེ་ན (ཀ.)] ས་ཉྫ་མྦྷ་རི་མ་ཀཾ་སཱུ’’ཏི [ས་ཉྫ་བྦྷ་རི་མ་ཀཾ་སཱུ་ཏི (?)]. ‘‘ཏ་ཐཱ་ཧི པ་ན ཏྭཾ, ཏི་སྶ, ཝ་ཏྟཱ ནོ ཙ ཝ་ཙ་ན་ཀྑ་མོ; ན ཁོ ཏེ ཏཾ, ཏི་སྶ, པ་ཏི་རཱུ་པཾ ཀུ་ལ་པུ་ཏྟ་སྶ ས་དྡྷཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏ་སྶ, ཡཾ ཏྭཾ ཝ་ཏྟཱ ནོ ཙ ཝ་ཙ་ན་ཀྑ་མོ. ཨེ་ཏཾ ཁོ ཏེ, ཏི་སྶ, པ་ཏི་རཱུ་པཾ ཀུ་ལ་པུ་ཏྟ་སྶ ས་དྡྷཱ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛི་ཏ་སྶ – ‘ཡཾ ཏྭཾ ཝ་ཏྟཱ ཙ ཨ་སྶ ཝ་ཙ་ན་ཀྑ་མོ ཙཱ’’’ཏི.

ཨི་ད་མ་ཝོ་ཙ བྷ་ག་ཝཱ. ཨི་དཾ ཝ་ཏྭཱ་ན སུ་ག་ཏོ ཨ་ཐཱ་པ་རཾ ཨེ་ཏ་ད་ཝོ་ཙ ས་ཏྠཱ –

‘‘ཀིཾ ནུ ཀུ་ཛ྄ཛྷ་སི མཱ ཀུ་ཛ྄ཛྷི, ཨ་ཀྐོ་དྷོ ཏི་སྶ ཏེ ཝ་རཾ;

ཀོ་དྷ་མཱ་ན་མ་ཀྑ་ཝི་ན་ཡ་ཏྠ་ཉྷི, ཏི་སྶ བྲ་ཧྨ་ཙ་རི་ཡཾ ཝུ་སྶ་ཏཱི’’ཏི. ན་ཝ་མཾ;