༡༢. ས་ཧཱ་ཡ་ཀ་སུ་ཏྟཾ

༢༤༦. སཱ་ཝ་ཏྠི་ཡཾ ཝི་ཧ་ར་ཏི. ཨ་ཐ ཁོ དྭེ བྷི་ཀྑཱུ ས་ཧཱ་ཡ་ཀཱ ཨཱ་ཡ་སྨ་ཏོ མ་ཧཱ་ཀ་པྤི་ན་སྶ ས་དྡྷི་ཝི་ཧཱ་རི་ནོ ཡེ་ན བྷ་ག་ཝཱ ཏེ་ནུ་པ་ས་ངྐ་མིཾ་སུ. ཨ་དྡ་སཱ ཁོ བྷ་ག་ཝཱ ཏེ བྷི་ཀྑཱུ དཱུ་ར་ཏོ་ཝ ཨཱ་ག་ཙྪ་ནྟེ. དི་སྭཱ་ན བྷི་ཀྑཱུ ཨཱ་མ་ནྟེ་སི – ‘‘པ་སྶ་ཐ ནོ ཏུ་མྷེ, བྷི་ཀྑ་ཝེ, ཨེ་ཏེ བྷི་ཀྑཱུ ས་ཧཱ་ཡ་ཀེ ཨཱ་ག་ཙྪ་ནྟེ ཀ་པྤི་ན་སྶ ས་དྡྷི་ཝི་ཧཱ་རི་ནོ’’ཏི? ‘‘ཨེ་ཝཾ, བྷ་ནྟེ’’. ‘‘ཨེ་ཏེ ཁོ ཏེ བྷི་ཀྑཱུ མ་ཧི་དྡྷི་ཀཱ མ་ཧཱ་ནུ་བྷཱ་ཝཱ. ན ཙ སཱ ས་མཱ་པ་ཏྟི སུ་ལ་བྷ་རཱུ་པཱ, ཡཱ ཏེ་ཧི བྷི་ཀྑཱུ་ཧི ཨ་ས་མཱ་པ་ནྣ་པུ་བྦཱ. ཡ་སྶ ཙ་ཏྠཱ་ཡ ཀུ་ལ་པུ་ཏྟཱ ས་མྨ་དེ་ཝ ཨ་གཱ་ར་སྨཱ ཨ་ན་གཱ་རི་ཡཾ པ་བྦ་ཛ་ནྟི ཏ་ད་ནུ་ཏྟ་རཾ བྲ་ཧྨ་ཙ་རི་ཡ་པ་རི་ཡོ་སཱ་ནཾ དི་ཊྛེ་ཝ དྷ་མྨེ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ ཨུ་པ་ས་མྤ་ཛྫ ཝི་ཧ་ར་ནྟཱི’’ཏི.

ཨི་ད་མ་ཝོ་ཙ བྷ་ག་ཝཱ. ཨི་དཾ ཝ་ཏྭཱ་ན སུ་ག་ཏོ ཨ་ཐཱ་པ་རཾ ཨེ་ཏ་ད་ཝོ་ཙ ས་ཏྠཱ –

‘‘ས་ཧཱ་ཡཱ ཝ་ཏི་མེ བྷི་ཀྑཱུ, ཙི་ར་ར་ཏྟཾ ས་མེ་ཏི་ཀཱ;

ས་མེ་ཏི ནེ་སཾ ས་དྡྷ་མྨོ, དྷ་མྨེ བུ་དྡྷ་པྤ་ཝེ་དི་ཏེ.

‘‘སུ་ཝི་ནཱི་ཏཱ ཀ་པྤི་ནེ་ན, དྷ་མྨེ ཨ་རི་ཡ་པྤ་ཝེ་དི་ཏེ;

དྷཱ་རེ་ནྟི ཨ་ནྟི་མཾ དེ་ཧཾ, ཛེ་ཏྭཱ མཱ་རཾ ས་ཝཱ་ཧི་ནི’’ནྟི. དྭཱ་ད་ས་མཾ;

བྷི་ཀྑུ་སཾ་ཡུ་ཏྟཾ ས་མ་ཏྟཾ.