༤. ས་མྦ་ཧུ་ལ་སུ་ཏྟཾ

༢༢༤. ཨེ་ཀཾ ས་མ་ཡཾ ས་མྦ་ཧུ་ལཱ བྷི་ཀྑཱུ ཀོ་ས་ལེ་སུ ཝི་ཧ་ར་ནྟི ཨ་ཉྙ་ཏ་ར་སྨིཾ ཝ་ན་ས་ཎྜེ. ཨ་ཐ ཁོ ཏེ བྷི་ཀྑཱུ ཝ་སྶཾ་ཝུ་ཊྛཱ [ཝ་སྶཾ་ཝུ་ཏྠཱ (སཱི. སྱཱ. ཀཾ. པཱི.)] ཏེ་མཱ་ས་ཙྩ་ཡེ་ན ཙཱ་རི་ཀཾ པ་ཀྐ་མིཾ་སུ. ཨ་ཐ ཁོ ཡཱ ཏ་སྨིཾ ཝ་ན་ས་ཎྜེ ཨ་དྷི་ཝ་ཏྠཱ དེ་ཝ་ཏཱ ཏེ བྷི་ཀྑཱུ ཨ་པ་སྶ་ནྟཱི པ་རི་དེ་ཝ་མཱ་ནཱ ཏཱ་ཡཾ ཝེ་ལཱ་ཡཾ ཨི་མཾ གཱ་ཐཾ ཨ་བྷཱ་སི –

‘‘ཨ་ར་ཏི ཝི་ཡ མེ་ཛྫ ཁཱ་ཡ་ཏི,

བ་ཧུ་ཀེ དི་སྭཱ་ན ཝི་ཝི་ཏྟེ ཨཱ་ས་ནེ;

ཏེ ཙི་ཏྟ་ཀ་ཐཱ བ་ཧུ་སྶུ་ཏཱ,

ཀོ་མེ གོ་ཏ་མ་སཱ་ཝ་ཀཱ ག་ཏཱ’’ཏི.

ཨེ་ཝཾ ཝུ་ཏྟེ, ཨ་ཉྙ་ཏ་རཱ དེ་ཝ་ཏཱ ཏཾ དེ་ཝ་ཏཾ གཱ་ཐཱ་ཡ པ་ཙྩ་བྷཱ་སི –

‘‘མཱ་ག་དྷཾ ག་ཏཱ ཀོ་ས་ལཾ ག་ཏཱ, ཨེ་ཀ་ཙྩི་ཡཱ པ་ན ཝ་ཛྫི་བྷཱུ་མི་ཡཱ;

མ་གཱ ཝི་ཡ ཨ་ས་ངྒ་ཙཱ་རི་ནོ, ཨ་ནི་ཀེ་ཏཱ ཝི་ཧ་ར་ནྟི བྷི་ཀྑ་ཝོ’’ཏི.