༡༠. ས་ཛ྄ཛྷཱ་ཡ་སུ་ཏྟཾ

༢༣༠. ཨེ་ཀཾ ས་མ་ཡཾ ཨ་ཉྙ་ཏ་རོ བྷི་ཀྑུ ཀོ་ས་ལེ་སུ ཝི་ཧ་ར་ཏི ཨ་ཉྙ་ཏ་ར་སྨིཾ ཝ་ན་ས་ཎྜེ. ཏེ་ན ཁོ པ་ན ས་མ་ཡེ་ན སོ བྷི་ཀྑུ ཡཾ སུ་དཾ པུ་བྦེ ཨ་ཏི་ཝེ་ལཾ ས་ཛ྄ཛྷཱ་ཡ་བ་ཧུ་ལོ ཝི་ཧ་ར་ཏི སོ ཨ་པ་རེ་ན ས་མ་ཡེ་ན ཨ་པྤོ་སྶུ་ཀྐོ ཏུ་ཎྷཱི་བྷཱུ་ཏོ ས་ངྐ་སཱ་ཡ་ཏི. ཨ་ཐ ཁོ ཡཱ ཏ་སྨིཾ ཝ་ན་ས་ཎྜེ ཨ་དྷི་ཝ་ཏྠཱ དེ་ཝ་ཏཱ ཏ་སྶ བྷི་ཀྑུ་ནོ དྷ་མྨཾ ཨ་སུ་ཎ་ནྟཱི ཡེ་ན སོ བྷི་ཀྑུ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ ཏཾ བྷི་ཀྑུཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ཀ་སྨཱ ཏུ་ཝཾ དྷ་མྨ་པ་དཱ་ནི བྷི་ཀྑུ, ནཱ་དྷཱི་ཡ་སི བྷི་ཀྑཱུ་ཧི སཾ་ཝ་ས་ནྟོ;

སུ་ཏྭཱ་ན དྷ་མྨཾ ལ་བྷ་ཏི་པྤ་སཱ་དཾ, དི་ཊྛེ་ཝ དྷ་མྨེ ལ་བྷ་ཏི་པྤ་སཾ་ས’’ནྟི.

‘‘ཨ་ཧུ པུ་རེ དྷ་མྨ་པ་དེ་སུ ཚ་ནྡོ, ཡཱ་ཝ ཝི་རཱ་གེ་ན ས་མཱ་ག་མི་མྷ;

ཡ་ཏོ ཝི་རཱ་གེ་ན ས་མཱ་ག་མི་མྷ, ཡཾ ཀི་ཉྩི དི་ཊྛཾ་ཝ སུ་ཏཾ མུ་ཏཾ ཝཱ;

ཨ་ཉྙཱ་ཡ ནི་ཀྑེ་པ་ན་མཱ་ཧུ ས་ནྟོ’’ཏི.