༦. ཛ་ཊཱ་སུ་ཏྟཾ

༡༩༢. སཱ་ཝ་ཏྠི་ནི་དཱ་ནཾ. ཨ་ཐ ཁོ ཛ་ཊཱ་བྷཱ་ར་དྭཱ་ཛོ བྲཱ་ཧྨ་ཎོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏཱ ས་དྡྷིཾ ས་མྨོ་དི. ས་མྨོ་ད་ནཱི་ཡཾ ཀ་ཐཾ སཱ་ར་ཎཱི་ཡཾ ཝཱི་ཏི་སཱ་རེ་ཏྭཱ ཨེ་ཀ་མ་ནྟཾ ནི་སཱི་དི. ཨེ་ཀ་མ་ནྟཾ ནི་སི་ནྣོ ཁོ ཛ་ཊཱ་བྷཱ་ར་དྭཱ་ཛོ བྲཱ་ཧྨ་ཎོ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘ཨ་ནྟོ་ཛ་ཊཱ བ་ཧི་ཛ་ཊཱ, ཛ་ཊཱ་ཡ ཛ་ཊི་ཏཱ པ་ཛཱ;

ཏཾ ཏཾ གོ་ཏ་མ པུ་ཙྪཱ་མི, ཀོ ཨི་མཾ ཝི་ཛ་ཊ་ཡེ ཛ་ཊ’’ནྟི.

‘‘སཱི་ལེ པ་ཏི་ཊྛཱ་ཡ ན་རོ ས་པ་ཉྙོ, ཙི་ཏྟཾ པ་ཉྙ་ཉྩ བྷཱ་ཝ་ཡཾ;

ཨཱ་ཏཱ་པཱི ནི་པ་ཀོ བྷི་ཀྑུ, སོ ཨི་མཾ ཝི་ཛ་ཊ་ཡེ ཛ་ཊཾ.

‘‘ཡེ་སཾ རཱ་གོ ཙ དོ་སོ ཙ, ཨ་ཝི་ཛྫཱ ཙ ཝི་རཱ་ཛི་ཏཱ;

ཁཱི་ཎཱ་ས་ཝཱ ཨ་ར་ཧ་ནྟོ, ཏེ་སཾ ཝི་ཛ་ཊི་ཏཱ ཛ་ཊཱ.

‘‘ཡ་ཏྠ ནཱ་མ་ཉྩ རཱུ་པ་ཉྩ, ཨ་སེ་སཾ ཨུ་པ་རུ་ཛ྄ཛྷ་ཏི;

པ་ཊི་གྷཾ རཱུ་པ་ས་ཉྙཱ ཙ, ཨེ་ཏྠེ་སཱ ཚི་ཛྫ་ཏེ ཛ་ཊཱ’’ཏི.

ཨེ་ཝཾ ཝུ་ཏྟེ, ཛ་ཊཱ་བྷཱ་ར་དྭཱ་ཛོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་བྷི་ཀྐ་ནྟཾ, བྷོ གོ་ཏ་མ…པེ… ཨ་ཉྙ་ཏ་རོ ཙ པ་ནཱ་ཡ་སྨཱ བྷཱ་ར་དྭཱ་ཛོ ཨ་ར་ཧ་ཏཾ ཨ་ཧོ་སཱི’’ཏི.