༣. ཛ་རཱ་མ་ར་ཎ་སུ་ཏྟཾ

༡༡༤. སཱ་ཝ་ཏྠི་ནི་དཱ་ནཾ. ཨེ་ཀ་མ་ནྟཾ ནི་སི་ནྣོ ཁོ རཱ་ཛཱ པ་སེ་ན་དི ཀོ་ས་ལོ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘ཨ་ཏྠི ནུ ཁོ, བྷ་ནྟེ, ཛཱ་ཏ་སྶ ཨ་ཉྙ་ཏྲ ཛ་རཱ་མ་ར་ཎཱ’’ཏི? ‘‘ན་ཏྠི ཁོ, མ་ཧཱ་རཱ་ཛ, ཛཱ་ཏ་སྶ ཨ་ཉྙ་ཏྲ ཛ་རཱ་མ་ར་ཎཱ. ཡེ་པི ཏེ, མ་ཧཱ་རཱ་ཛ, ཁ་ཏྟི་ཡ་མ་ཧཱ་སཱ་ལཱ ཨ་ཌྜྷཱ མ་ཧ་དྡྷ་ནཱ མ་ཧཱ་བྷོ་གཱ པ་ཧཱུ་ཏ་ཛཱ་ཏ་རཱུ་པ་ར་ཛ་ཏཱ པ་ཧཱུ་ཏ་ཝི་ཏྟཱུ་པ་ཀ་ར་ཎཱ པ་ཧཱུ་ཏ་དྷ་ན་དྷ་ཉྙཱ, ཏེ་ས་མྤི ཛཱ་ཏཱ་ནཾ ན་ཏྠི ཨ་ཉྙ་ཏྲ ཛ་རཱ་མ་ར་ཎཱ. ཡེ་པི ཏེ, མ་ཧཱ་རཱ་ཛ, བྲཱ་ཧྨ་ཎ་མ་ཧཱ་སཱ་ལཱ…པེ… ག་ཧ་པ་ཏི་མ་ཧཱ་སཱ་ལཱ ཨ་ཌྜྷཱ མ་ཧ་དྡྷ་ནཱ མ་ཧཱ་བྷོ་གཱ པ་ཧཱུ་ཏ་ཛཱ་ཏ་རཱུ་པ་ར་ཛ་ཏཱ པ་ཧཱུ་ཏ་ཝི་ཏྟཱུ་པ་ཀ་ར་ཎཱ པ་ཧཱུ་ཏ་དྷ་ན་དྷ་ཉྙཱ, ཏེ་ས་མྤི ཛཱ་ཏཱ་ནཾ ན་ཏྠི ཨ་ཉྙ་ཏྲ ཛ་རཱ་མ་ར་ཎཱ. ཡེ་པི ཏེ, མ་ཧཱ་རཱ་ཛ, བྷི་ཀྑཱུ ཨ་ར་ཧ་ནྟོ ཁཱི་ཎཱ་ས་ཝཱ ཝུ་སི་ཏ་ཝ་ནྟོ ཀ་ཏ་ཀ་ར་ཎཱི་ཡཱ ཨོ་ཧི་ཏ་བྷཱ་རཱ ཨ་ནུ་པྤ་ཏྟ་ས་ད་ཏྠཱ པ་རི་ཀྑཱི་ཎ་བྷ་ཝ་སཾ་ཡོ་ཛ་ནཱ ས་མྨ་ད་ཉྙཱ་ཝི་མུ་ཏྟཱ, ཏེ་སཾ པཱ་ཡཾ ཀཱ་ཡོ བྷེ་ད་ན་དྷ་མྨོ ནི་ཀྑེ་པ་ན་དྷ་མྨོ’’ཏི. ཨི་ད་མ་ཝོ་ཙ…པེ…

‘‘ཛཱི་ར་ནྟི ཝེ རཱ་ཛ་ར་ཐཱ སུ་ཙི་ཏྟཱ,

ཨ་ཐོ ས་རཱི་ར་མྤི ཛ་རཾ ཨུ་པེ་ཏི;

ས་ཏ་ཉྩ དྷ་མྨོ ན ཛ་རཾ ཨུ་པེ་ཏི,

ས་ནྟོ ཧ་ཝེ ས་བྦྷི པ་ཝེ་ད་ཡ་ནྟཱི’’ཏི.