༡. ཙ་ནྡི་མ་ས་སུ་ཏྟཾ

༩༢. སཱ་ཝ་ཏྠི་ནི་དཱ་ནཾ. ཨ་ཐ ཁོ ཙ་ནྡི་མ་སོ [ཙ་ནྡི་མཱ་སོ (ཀ.)] དེ་ཝ་པུ་ཏྟོ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞོ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏོ ཁོ ཙ་ནྡི་མ་སོ དེ་ཝ་པུ་ཏྟོ བྷ་ག་ཝ་ཏོ ས་ནྟི་ཀེ ཨི་མཾ གཱ་ཐཾ ཨ་བྷཱ་སི –

‘‘ཏེ ཧི སོ་ཏྠིཾ ག་མི་སྶ་ནྟི, ཀ་ཙྪེ ཝཱ་མ་ཀ་སེ མ་གཱ;

ཛྷཱ་ནཱ་ནི ཨུ་པ་ས་མྤ་ཛྫ, ཨེ་ཀོ་དི ནི་པ་ཀཱ ས་ཏཱ’’ཏི.

‘‘ཏེ ཧི པཱ་རཾ ག་མི་སྶ་ནྟི, ཚེ་ཏྭཱ ཛཱ་ལཾ་ཝ ཨ་མྦུ་ཛོ;

ཛྷཱ་ནཱ་ནི ཨུ་པ་ས་མྤ་ཛྫ, ཨ་པྤ་མ་ཏྟཱ ར་ཎ་ཉྫ་ཧཱ’’ཏི.