༩. ཨ་ར་ཉྙཱ་ཡ་ཏ་ན་ཨི་སི་སུ་ཏྟཾ

༢༥༥. སཱ་ཝ་ཏྠི་ཡཾ. ‘‘བྷཱུ་ཏ་པུ་བྦཾ, བྷི་ཀྑ་ཝེ, ས་མྦ་ཧུ་ལཱ ཨི་ས་ཡོ སཱི་ལ་ཝ་ནྟོ ཀ་ལྱཱ་ཎ་དྷ་མྨཱ ཨ་ར་ཉྙཱ་ཡ་ཏ་ནེ པ་ཎྞ་ཀུ་ཊཱི་སུ ས་མྨ་ནྟི. ཨ་ཐ ཁོ, བྷི་ཀྑ་ཝེ, ས་ཀྐོ ཙ དེ་ཝཱ་ན་མི་ནྡོ ཝེ་པ་ཙི་ཏྟི ཙ ཨ་སུ་རི་ནྡོ ཡེ་ན ཏེ ཨི་ས་ཡོ སཱི་ལ་ཝ་ནྟོ ཀ་ལྱཱ་ཎ་དྷ་མྨཱ ཏེ་ནུ་པ་ས་ངྐ་མིཾ་སུ. ཨ་ཐ ཁོ, བྷི་ཀྑ་ཝེ, ཝེ་པ་ཙི་ཏྟི ཨ་སུ་རི་ནྡོ པ་ཊ་ལི་ཡོ [ཨ་ཊ་ལི་ཡོ (སཱི. སྱཱ. ཀཾ. པཱི.), ཨཱ་ཊ་ལི་ཡོ (ཀ.) མ. ནི. ༢.༤༡༠] ཨུ་པཱ་ཧ་ནཱ ཨཱ་རོ་ཧི་ཏྭཱ ཁ་གྒཾ ཨོ་ལ་གྒེ་ཏྭཱ ཚ་ཏྟེ་ན དྷཱ་རི་ཡ་མཱ་ནེ་ན ཨ་གྒ་དྭཱ་རེ་ན ཨ་སྶ་མཾ པ་ཝི་སི་ཏྭཱ ཏེ ཨི་ས་ཡོ སཱི་ལ་ཝ་ནྟེ ཀ་ལྱཱ་ཎ་དྷ་མྨེ ཨ་པ་བྱཱ་མ་ཏོ ཀ་རི་ཏྭཱ ཨ་ཏི་ཀྐ་མི. ཨ་ཐ ཁོ, བྷི་ཀྑ་ཝེ, ས་ཀྐོ དེ་ཝཱ་ན་མི་ནྡོ པ་ཊ་ལི་ཡོ ཨུ་པཱ་ཧ་ནཱ ཨོ་རོ་ཧི་ཏྭཱ ཁ་གྒཾ ཨ་ཉྙེ་སཾ ད་ཏྭཱ ཚ་ཏྟཾ ཨ་པ་ནཱ་མེ་ཏྭཱ དྭཱ་རེ་ནེ་ཝ ཨ་སྶ་མཾ པ་ཝི་སི་ཏྭཱ ཏེ ཨི་ས་ཡོ སཱི་ལ་ཝ་ནྟེ ཀ་ལྱཱ་ཎ་དྷ་མྨེ ཨ་ནུ་ཝཱ་ཏཾ པ་ཉྫ་ལི་ཀོ ན་མ་སྶ་མཱ་ནོ ཨ་ཊྛཱ་སི’’. ཨ་ཐ ཁོ, བྷི་ཀྑ་ཝེ, ཏེ ཨི་ས་ཡོ སཱི་ལ་ཝ་ནྟོ ཀ་ལྱཱ་ཎ་དྷ་མྨཱ ས་ཀྐཾ དེ་ཝཱ་ན་མི་ནྡཾ གཱ་ཐཱ་ཡ ཨ་ཛ྄ཛྷ་བྷཱ་སིཾ་སུ –

‘‘ག་ནྡྷོ ཨི་སཱི་ནཾ ཙི་ར་དི་ཀྑི་ཏཱ་ནཾ,

ཀཱ་ཡཱ ཙུ་ཏོ ག་ཙྪ་ཏི མཱ་ལུ་ཏེ་ན;

ཨི་ཏོ པ་ཊི་ཀྐ་མྨ ས་ཧ་སྶ་ནེ་ཏྟ,

ག་ནྡྷོ ཨི་སཱི་ནཾ ཨ་སུ་ཙི དེ་ཝ་རཱ་ཛཱ’’ཏི.

‘‘ག་ནྡྷོ ཨི་སཱི་ནཾ ཙི་ར་དི་ཀྑི་ཏཱ་ནཾ,

ཀཱ་ཡཱ ཙུ་ཏོ ག་ཙྪ་ཏུ [ག་ཙྪ་ཏི (སཱི. སྱཱ. ཀཾ.)] མཱ་ལུ་ཏེ་ན,

སུ་ཙི་ཏྲ་པུ་པྥཾ སི་ར་སྨིཾ་ཝ མཱ་ལཾ;

ག་ནྡྷཾ ཨེ་ཏཾ པ་ཊི་ཀ་ངྑཱ་མ བྷ་ནྟེ,

ན ཧེ་ཏྠ དེ་ཝཱ པ་ཊི་ཀཱུ་ལ་ས་ཉྙི་ནོ’’ཏི.