༧. ན་དུ་བྦྷི་ཡ་སུ་ཏྟཾ

༢༥༣. སཱ་ཝ་ཏྠི་ཡཾ. ‘‘བྷཱུ་ཏ་པུ་བྦཾ, བྷི་ཀྑ་ཝེ, ས་ཀྐ་སྶ དེ་ཝཱ་ན་མི་ནྡ་སྶ ར་ཧོ་ག་ཏ་སྶ པ་ཊི་ས་ལླཱི་ན་སྶ ཨེ་ཝཾ ཙེ་ཏ་སོ པ་རི་ཝི་ཏ་ཀྐོ ཨུ་ད་པཱ་དི – ‘ཡོ་པི མེ ཨ་སྶ སུ་པ་ཙྩ་ཏྠི་ཀོ ཏ་སྶ་པཱ་ཧཾ ན དུ་བྦྷེ་ཡྻ’ནྟི. ཨ་ཐ ཁོ, བྷི་ཀྑ་ཝེ, ཝེ་པ་ཙི་ཏྟི ཨ་སུ་རི་ནྡོ ས་ཀྐ་སྶ དེ་ཝཱ་ན་མི་ནྡ་སྶ ཙེ་ཏ་སཱ ཙེ་ཏོ་པ་རི་ཝི་ཏ་ཀྐ་མ་ཉྙཱ་ཡ ཡེ་ན ས་ཀྐོ དེ་ཝཱ་ན་མི་ནྡོ ཏེ་ནུ་པ་ས་ངྐ་མི. ཨ་དྡ་སཱ ཁོ, བྷི་ཀྑ་ཝེ, ས་ཀྐོ དེ་ཝཱ་ན་མི་ནྡོ ཝེ་པ་ཙི་ཏྟིཾ ཨ་སུ་རི་ནྡཾ དཱུ་ར་ཏོ་ཝ ཨཱ་ག་ཙྪ་ནྟཾ. དི་སྭཱ་ན ཝེ་པ་ཙི་ཏྟིཾ ཨ་སུ་རི་ནྡཾ ཨེ་ཏ་ད་ཝོ་ཙ – ‘ཏི་ཊྛ, ཝེ་པ་ཙི་ཏྟི, ག་ཧི་ཏོ་སཱི’’’ཏི.

‘‘ཡ་དེ་ཝ ཏེ, མཱ་རི་ས, པུ་བྦེ ཙི་ཏྟཾ, ཏ་དེ་ཝ ཏྭཾ མཱ པ་ཛ་ཧཱ་སཱི’’ཏི [ཏ་དེ་ཝ ཏྭཾ མཱ་རི་ས པ་ཧཱ་སཱི་ཏི (སཱི. སྱཱ. ཀཾ.)].

‘‘ས་པ་སྶུ ཙ མེ, ཝེ་པ་ཙི་ཏྟི, ཨ་དུ་བྦྷཱ་ཡཱ’’ཏི [ཨ་དྲུ་བྦྷཱ་ཡ (ཀ.)].

‘‘ཡཾ མུ་སཱ བྷ་ཎ་ཏོ པཱ་པཾ, ཡཾ པཱ་པཾ ཨ་རི་ཡཱུ་པ་ཝཱ་དི་ནོ;

མི་ཏྟ་དྡུ་ནོ ཙ ཡཾ པཱ་པཾ, ཡཾ པཱ་པཾ ཨ་ཀ་ཏ་ཉྙུ་ནོ;

ཏ་མེ་ཝ པཱ་པཾ ཕུ་ས་ཏུ [ཕུ་ས་ཏི (སཱི. པཱི.)], ཡོ ཏེ དུ་བྦྷེ སུ་ཛ་མྤ་ཏཱི’’ཏི.