༡. ཨི་ནྡ་ཀ་སུ་ཏྟཾ

༢༣༥. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ རཱ་ཛ་ག་ཧེ ཝི་ཧ་ར་ཏི ཨི་ནྡ་ཀཱུ་ཊེ པ་བྦ་ཏེ, ཨི་ནྡ་ཀ་སྶ ཡ་ཀྑ་སྶ བྷ་ཝ་ནེ. ཨ་ཐ ཁོ ཨི་ནྡ་ཀོ ཡ་ཀྑོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ གཱ་ཐཱ་ཡ ཨ་ཛ྄ཛྷ་བྷཱ་སི –

‘‘རཱུ་པཾ ན ཛཱི་ཝ་ནྟི ཝ་ད་ནྟི བུ་དྡྷཱ, ཀ་ཐཾ ནྭ་ཡཾ ཝི་ནྡ་ཏི་མཾ ས་རཱི་རཾ;

ཀུ་ཏ་སྶ ཨ་ཊྛཱི་ཡ་ཀ་པི་ཎྜ་མེ་ཏི, ཀ་ཐཾ ནྭ་ཡཾ ས་ཛྫ་ཏི ག་བྦྷ་ར་སྨི’’ནྟི.

‘‘པ་ཋ་མཾ ཀ་ལ་ལཾ ཧོ་ཏི, ཀ་ལ་ལཱ ཧོ་ཏི ཨ་བྦུ་དཾ;

ཨ་བྦུ་དཱ ཛཱ་ཡ་ཏེ པེ་སི, པེ་སི ནི་བྦ་ཏྟ་ཏཱི གྷ་ནོ;

གྷ་ནཱ པ་སཱ་ཁཱ ཛཱ་ཡ་ནྟི, ཀེ་སཱ ལོ་མཱ ན་ཁཱ་པི ཙ.

‘‘ཡ་ཉྩ་སྶ བྷུ་ཉྫ་ཏཱི མཱ་ཏཱ, ཨ་ནྣཾ པཱ་ན་ཉྩ བྷོ་ཛ་ནཾ;

ཏེ་ན སོ ཏ་ཏྠ ཡཱ་པེ་ཏི, མཱ་ཏུ་ཀུ་ཙྪི་ག་ཏོ ན་རོ’’ཏི.