༥. ཨ་ར་ཧ་ནྟ་སུ་ཏྟཾ
༢༥. ‘‘ཡོ ཧོ་ཏི བྷི་ཀྑུ ཨ་ར་ཧཾ ཀ་ཏཱ་ཝཱི,
ཁཱི་ཎཱ་ས་ཝོ ཨ་ནྟི་མ་དེ་ཧ་དྷཱ་རཱི;
ཨ་ཧཾ ཝ་དཱ་མཱི་ཏི་པི སོ ཝ་དེ་ཡྻ,
མ་མཾ ཝ་ད་ནྟཱི་ཏི་པི སོ ཝ་དེ་ཡྻཱ’’ཏི.
‘‘ཡོ ཧོ་ཏི བྷི་ཀྑུ ཨ་ར་ཧཾ ཀ་ཏཱ་ཝཱི,
ཁཱི་ཎཱ་ས་ཝོ ཨ་ནྟི་མ་དེ་ཧ་དྷཱ་རཱི;
ཨ་ཧཾ ཝ་དཱ་མཱི་ཏི་པི སོ ཝ་དེ་ཡྻ,
མ་མཾ ཝ་ད་ནྟཱི་ཏི་པི སོ ཝ་དེ་ཡྻ;
ལོ་ཀེ ས་མ་ཉྙཾ ཀུ་ས་ལོ ཝི་དི་ཏྭཱ,
ཝོ་ཧཱ་ར་མ་ཏྟེ་ན སོ [ས (?)] ཝོ་ཧ་རེ་ཡྻཱ’’ཏི.
‘‘ཡོ ཧོ་ཏི བྷི་ཀྑུ ཨ་ར་ཧཾ ཀ་ཏཱ་ཝཱི,
ཁཱི་ཎཱ་ས་ཝོ ཨ་ནྟི་མ་དེ་ཧ་དྷཱ་རཱི;
མཱ་ནཾ ནུ ཁོ སོ ཨུ་པ་ག་མྨ བྷི་ཀྑུ,
ཨ་ཧཾ ཝ་དཱ་མཱི་ཏི་པི སོ ཝ་དེ་ཡྻ;
མ་མཾ ཝ་ད་ནྟཱི་ཏི་པི སོ ཝ་དེ་ཡྻཱ’’ཏི.
‘‘པ་ཧཱི་ན་མཱ་ན་སྶ ན ས་ནྟི ག་ནྠཱ,
ཝི་དྷཱུ་པི་ཏཱ མཱ་ན་ག་ནྠ་སྶ ས་བྦེ;
ས ཝཱི་ཏི་ཝ་ཏྟོ མ་ཉྙ་ཏཾ [མཱ་ན་ནཾ (སཱི.), མ་ཉྙཱི་ཏཾ (?)] སུ་མེ་དྷོ,
ཨ་ཧཾ ཝ་དཱ་མཱི་ཏི་པི སོ ཝ་དེ་ཡྻ.
‘‘མ་མཾ ཝ་ད་ནྟཱི་ཏི་པི སོ ཝ་དེ་ཡྻ;
ལོ་ཀེ ས་མ་ཉྙཾ ཀུ་ས་ལོ ཝི་དི་ཏྭཱ;
ཝོ་ཧཱ་ར་མ་ཏྟེ་ན སོ ཝོ་ཧ་རེ་ཡྻཱ’’ཏི.