༢. ནི་མོ་ཀྑ་སུ་ཏྟཾ

༢. སཱ་ཝ་ཏྠི་ནི་དཱ་ནཾ. ཨ་ཐ ཁོ ཨ་ཉྙ་ཏ་རཱ དེ་ཝ་ཏཱ ཨ་བྷི་ཀྐ་ནྟཱ་ཡ ར་ཏྟི་ཡཱ ཨ་བྷི་ཀྐ་ནྟ་ཝ་ཎྞཱ ཀེ་ཝ་ལ་ཀ་པྤཾ ཛེ་ཏ་ཝ་ནཾ ཨོ་བྷཱ་སེ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨ་བྷི་ཝཱ་དེ་ཏྭཱ ཨེ་ཀ་མ་ནྟཾ ཨ་ཊྛཱ་སི. ཨེ་ཀ་མ་ནྟཾ ཋི་ཏཱ ཁོ སཱ དེ་ཝ་ཏཱ བྷ་ག་ཝ་ནྟཾ ཨེ་ཏ་ད་ཝོ་ཙ –

‘‘ཛཱ་ནཱ་སི ནོ ཏྭཾ, མཱ་རི་ས, ས་ཏྟཱ་ནཾ ནི་མོ་ཀྑཾ པ་མོ་ཀྑཾ ཝི་ཝེ་ཀ’’ནྟི?

‘‘ཛཱ་ནཱ་མི ཁྭཱ་ཧཾ, ཨཱ་ཝུ་སོ, ས་ཏྟཱ་ནཾ ནི་མོ་ཀྑཾ པ་མོ་ཀྑཾ ཝི་ཝེ་ཀ’’ནྟི.

‘‘ཡ་ཐཱ ཀ་ཐཾ པ་ན ཏྭཾ, མཱ་རི་ས, ཛཱ་ནཱ་སི ས་ཏྟཱ་ནཾ ནི་མོ་ཀྑཾ པ་མོ་ཀྑཾ ཝི་ཝེ་ཀ’’ནྟི?

‘‘ན་ནྡཱི་བྷ་ཝ་པ་རི་ཀྑ་ཡཱ [ན་ནྡི་བྷ་ཝ་པ་རི་ཀྑ་ཡཱ (སྱཱ. ཀཾ.)], ས་ཉྙཱ་ཝི་ཉྙཱ་ཎ་ས་ངྑ་ཡཱ, ཝེ་ད་ནཱ་ནཾ ནི་རོ་དྷཱ ཨུ་པ་ས་མཱ – ཨེ་ཝཾ ཁྭཱ་ཧཾ, ཨཱ་ཝུ་སོ, ཛཱ་ནཱ་མི ས་ཏྟཱ་ནཾ ནི་མོ་ཀྑཾ པ་མོ་ཀྑཾ ཝི་ཝེ་ཀ’’ནྟི.