༡༡. སུ་ནི་ཀྑི་ཏྟ་ཝི་མཱ་ན་ཝ་ཏྠུ

༡༢༨༢. ‘‘ཨུ་ཙྩ་མི་དཾ མ་ཎི་ཐཱུ་ཎཾ ཝི་མཱ་ནཾ, ས་མ་ནྟ་ཏོ དྭཱ་ད་ས ཡོ་ཛ་ནཱ་ནི;

ཀཱུ་ཊཱ་གཱ་རཱ ས་ཏྟ་ས་ཏཱ ཨུ་ལཱ༹་རཱ, ཝེ་ལུ༹་རི་ཡ་ཐ་མྦྷཱ རུ་ཙ་ཀ་ཏྠ་ཏཱ སུ་བྷཱ.

༡༢༨༣. ‘‘ཏ་ཏྠ་ཙྪ་སི པི་ཝ་སི ཁཱ་ད་སི ཙ, དི་བྦཱ ཙ ཝཱི་ཎཱ པ་ཝ་ད་ནྟི ཝ་གྒུཾ;

དི་བྦཱ ར་སཱ ཀཱ་མ་གུ་ཎེ་ཏྠ པ་ཉྩ, ནཱ་རི་ཡོ ཙ ན་ཙྩ་ནྟི སུ་ཝ་ཎྞ་ཚ་ནྣཱ.

༡༢༨༤. ‘‘ཀེ་ན ཏེ་ཏཱ་དི་སོ ཝ་ཎྞོ, ཀེ་ན ཏེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ ཏེ བྷོ་གཱ, ཡེ ཀེ་ཙི མ་ན་སོ པི་ཡཱ.

༡༢༨༥. ‘‘པུ་ཙྪཱ་མི ‘ཏཾ དེ་ཝ མ་ཧཱ་ནུ་བྷཱ་ཝ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;

ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.

༡༢༨༦. སོ དེ་ཝ་པུ་ཏྟོ ཨ་ཏྟ་མ་ནོ, མོ་གྒ་ལླཱ་ནེ་ན པུ་ཙྪི་ཏོ;

པ་ཉྷཾ པུ་ཊྛོ ཝི་ཡཱ་ཀཱ་སི, ཡ་སྶ ཀ་མྨ་སྶི་དཾ ཕ་ལཾ.

༡༢༨༧. ‘‘དུ་ནྣི་ཀྑི་ཏྟཾ མཱ་ལཾ སུ་ནི་ཀྑི་པི་ཏྭཱ, པ་ཏི་ཊྛ་པེ་ཏྭཱ སུ་ག་ཏ་སྶ ཐཱུ་པེ;

མ་ཧི་དྡྷི་ཀོ ཙ་མྷི མ་ཧཱ་ནུ་བྷཱ་ཝོ, དི་བྦེ་ཧི ཀཱ་མེ་ཧི ས་མ་ངྒི་བྷཱུ་ཏོ.

༡༢༨༨. ‘‘ཏེ་ན མེ་ཏཱ་དི་སོ ཝ་ཎྞོ,

ཏེ་ན མེ ཨི་དྷ མི་ཛ྄ཛྷ་ཏི;

ཨུ་པྤ་ཛྫ་ནྟི ཙ མེ བྷོ་གཱ,

ཡེ ཀེ་ཙི མ་ན་སོ པི་ཡཱ.

༡༢༨༩. ‘‘ཨ་ཀྑཱ་མི ཏེ བྷི་ཀྑུ མ་ཧཱ་ནུ་བྷཱ་ཝ,

མ་ནུ་སྶ་བྷཱུ་ཏོ ཡ་མ་ཧཾ ཨ་ཀཱ་སིཾ;

ཏེ་ན་མྷི ཨེ་ཝཾ ཛ་ལི་ཏཱ་ནུ་བྷཱ་ཝོ,

ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.

སུ་ནི་ཀྑི་ཏྟ་ཝི་མཱ་ནཾ ཨེ་ཀཱ་ད་ས་མཾ.

སུ་ནི་ཀྑི་ཏྟ་ཝ་གྒོ ས་ཏྟ་མོ ནི་ཊྛི་ཏོ.

ཏ་སྶུ་དྡཱ་ནཾ –

དྭེ ད་ལི་དྡཱ ཝ་ན་ཝི་ཧཱ་རཱ, བྷ་ཏ་ཀོ གོ་པཱ་ལ་ཀ་ཎྜ་ཀཱ;

ཨ་ནེ་ཀ་ཝ་ཎྞ་མ་ཊྛ་ཀུ་ཎྜ་ལཱི, སེ་རཱི་ས་ཀོ སུ་ནི་ཀྑི་ཏྟཾ;

པུ་རི་སཱ་ནཾ ཏ་ཏི་ཡོ ཝ་གྒོ པ་ཝུ་ཙྩ་ཏཱི་ཏི.

བྷཱ་ཎ་ཝཱ་རཾ ཙ་ཏུ་ཏྠཾ ནི་ཊྛི་ཏཾ.