༡༠. (ཨུ་ཏྟ་ར) པཱ་ཡཱ་སི་ཝི་མཱ་ན་ཝ་ཏྠུ

༡༡༠༨. ‘‘ཡཱ དེ་ཝ་རཱ་ཛ་སྶ ས་བྷཱ སུ་དྷ་མྨཱ, ཡ་ཏྠ་ཙྪ་ཏི དེ་ཝ་ས་ངྒྷོ ས་མ་གྒོ;

ཏ་ཐཱུ་པ་མཾ ཏུ་ཡ྄ཧ་མི་དཾ ཝི་མཱ་ནཾ, ཨོ་བྷཱ་ས་ཡཾ ཏི་ཊྛ་ཏི ཨ་ནྟ་ལི་ཀྑེ.

༡༡༠༩. ‘‘དེ་ཝི་དྡྷི་པ་ཏྟོ་སི མ་ཧཱ་ནུ་བྷཱ་ཝོ, མ་ནུ་སྶ་བྷཱུ་ཏོ ཀི་མ་ཀཱ་སི པུ་ཉྙཾ;

ཀེ་ནཱ་སི ཨེ་ཝཾ ཛ་ལི་ཏཱ་ནུ་བྷཱ་ཝོ, ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.

༡༡༡༠. སོ དེ་ཝ་པུ་ཏྟོ ཨ་ཏྟ་མ་ནོ…པེ… ཡ་སྶ ཀ་མྨ་སྶི་དཾ ཕ་ལཾ.

༡༡༡༡. ‘‘ཨ་ཧཾ མ་ནུ་སྶེ་སུ མ་ནུ་སྶ་བྷཱུ་ཏོ, ར་ཉྙོ པཱ་ཡཱ་སི་སྶ ཨ་ཧོ་སིཾ མཱ་ཎ་ཝོ;

ལ་དྡྷཱ དྷ་ནཾ སཾ་ཝི་བྷཱ་གཾ ཨ་ཀཱ་སིཾ, པི་ཡཱ ཙ མེ སཱི་ལ་ཝ་ནྟོ ཨ་ཧེ་སུཾ;

ཨ་ནྣ་ཉྩ པཱ་ན་ཉྩ པ་ས་ནྣ་ཙི་ཏྟོ, ས་ཀྐ་ཙྩ དཱ་ནཾ ཝི་པུ་ལཾ ཨ་དཱ་སིཾ.

༡༡༡༢. ‘‘ཏེ་ན མེ་ཏཱ་དི་སོ ཝ་ཎྞོ…པེ. …ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.

(ཨུ་ཏྟ་ར) པཱ་ཡཱ་སི་ཝི་མཱ་ནཾ [ཨུ་ཏྟ་ར་ཝི་མཱ་ནཾ (སཱི. སྱཱ. ཨ་ཊྛ.)] ད་ས་མཾ.

པཱ་ཡཱ་སི་ཝ་གྒོ ཚ་ཊྛོ ནི་ཊྛི་ཏོ.

ཏ་སྶུ་དྡཱ་ནཾ –

དྭེ ཨ་གཱ་རི་ནོ ཕ་ལ་དཱ་ཡཱི, དྭེ ཨུ་པ་སྶ་ཡ་དཱ་ཡཱི བྷི་ཀྑཱ་ཡ དཱ་ཡཱི;

ཡ་ཝ་པཱ་ལ་ཀོ ཙེ་ཝ དྭེ, ཀུ་ཎྜ་ལི་ནོ པཱ་ཡཱ་སཱི་ཏི [པཱ་ཋ་བྷེ་དོ ན་ཏྠི];

པུ་རི་སཱ་ནཾ དུ་ཏི་ཡོ ཝ་གྒོ པ་ཝུ་ཙྩ་ཏཱི་ཏི.