༨. ནི་དྡཱ་ཝི་མཱ་ན་ཝ་ཏྠུ
༢༤༦. ‘‘ཨ་བྷི་ཀྐ་ནྟེ་ན ཝ་ཎྞེ་ན, ཡཱ ཏྭཾ ཏི་ཊྛ་སི དེ་ཝ་ཏེ;
ཨོ་བྷཱ་སེ་ནྟཱི དི་སཱ ས་བྦཱ, ཨོ་ས་དྷཱི ཝི་ཡ ཏཱ་ར་ཀཱ.
༢༤༧. ‘‘ཀེ་ན ཏེ་ཏཱ་དི་སོ ཝ་ཎྞོ…པེ…
ཝ་ཎྞོ ཙ ཏེ ས་བྦ་དི་སཱ པ་བྷཱ་ས་ཏཱི’’ཏི.
༢༤༩. སཱ དེ་ཝ་ཏཱ ཨ་ཏྟ་མ་ནཱ…པེ… ཡ་སྶ ཀ་མྨ་སྶི་དཾ ཕ་ལཾ.
༢༥༠. ‘‘ནི་དྡཱ་ཏི [ས་དྡྷཱ་ཏི (སཱི.)] མ་མཾ ཨ་ཉྙཾ་སུ, རཱ་ཛ་ག་ཧ་སྨིཾ ཨུ་པཱ་སི་ཀཱ;
ས་དྡྷཱ སཱི་ལེ་ན ས་མྤ་ནྣཱ, སཾ་ཝི་བྷཱ་ག་ར་ཏཱ ས་དཱ.
༢༥༡. ‘‘ཨ་ཙྪཱ་ད་ན་ཉྩ བྷ་ཏྟ་ཉྩ, སེ་ནཱ་ས་ནཾ པ་དཱི་པི་ཡཾ;
ཨ་དཱ་སིཾ ཨུ་ཛུ་བྷཱུ་ཏེ་སུ, ཝི་པྤ་ས་ནྣེ་ན ཙེ་ཏ་སཱ.
༢༥༢. ‘‘ཙཱ་ཏུ་དྡ་སིཾ པ་ཉྩ་ད་སིཾ, ཡཱ ཙ པ་ཀྑ་སྶ ཨ་ཊྛ་མཱི;
པཱ་ཊི་ཧཱ་རི་ཡ་པ་ཀྑ་ཉྩ, ཨ་ཊྛ་ངྒ་སུ་ས་མཱ་ག་ཏཾ.
༢༥༣. ‘‘ཨུ་པོ་ས་ཐཾ ཨུ་པ་ཝ་སི་སྶཾ, ས་དཱ སཱི་ལེ་སུ སཾ་ཝུ་ཏཱ;
ས་ཉྙ་མཱ སཾ་ཝི་བྷཱ་གཱ ཙ, ཝི་མཱ་ནཾ ཨཱ་ཝ་སཱ་མ་ཧཾ.
༢༥༤. ‘‘པཱ་ཎཱ་ཏི་པཱ་ཏཱ ཝི་ར་ཏཱ, མུ་སཱ་ཝཱ་དཱ ཙ ས་ཉྙ་ཏཱ;
ཐེ་ཡྻཱ ཙ ཨ་ཏི་ཙཱ་རཱ ཙ, མ་ཛྫ་པཱ་ནཱ ཙ ཨཱ་ར་ཀཱ.
༢༥༥. ‘‘པ་ཉྩ་སི་ཀྑཱ་པ་དེ ར་ཏཱ, ཨ་རི་ཡ་ས་ཙྩཱ་ན ཀོ་ཝི་དཱ;
ཨུ་པཱ་སི་ཀཱ ཙ་ཀྑུ་མ་ཏོ, གོ་ཏ་མ་སྶ ཡ་ས་སྶི་ནོ.
༢༥༦. ‘‘ཏེ་ན མེ་ཏཱ་དི་སོ ཝ་ཎྞོ…པེ… ཝ་ཎྞོ ཙ མེ ས་བྦ་དི་སཱ པ་བྷཱ་ས་ཏཱི’’ཏི.
ནི་དྡཱ་ཝི་མཱ་ནཾ [ས་དྡྷཱ་ཝི་མཱ་ནཾ (སཱི.)] ཨ་ཊྛ་མཾ.