༧. ཨ་ཛ་ཀ་ལཱ་པ་ཀ་སུ་ཏྟཾ

༧. ཨེ་ཝཾ མེ སུ་ཏཾ – ཨེ་ཀཾ ས་མ་ཡཾ བྷ་ག་ཝཱ པཱ་ཝཱ་ཡཾ [པཱ་ཊ་ལི་ཡཾ (པཱི.)] ཝི་ཧ་ར་ཏི ཨ་ཛ་ཀ་ལཱ་པ་ཀེ ཙེ་ཏི་ཡེ, ཨ་ཛ་ཀ་ལཱ་པ་ཀ་སྶ ཡ་ཀྑ་སྶ བྷ་ཝ་ནེ. ཏེ་ན ཁོ པ་ན ས་མ་ཡེ་ན བྷ་ག་ཝཱ ར་ཏྟ་ནྡྷ་ཀཱ་ར་ཏི་མི་སཱ་ཡཾ ཨ་བྦྷོ་ཀཱ་སེ ནི་སི་ནྣོ ཧོ་ཏི; དེ་ཝོ ཙ ཨེ་ཀ་མེ་ཀཾ ཕུ་སཱ་ཡ་ཏི. ཨ་ཐ ཁོ ཨ་ཛ་ཀ་ལཱ་པ་ཀོ ཡ་ཀྑོ བྷ་ག་ཝ་ཏོ བྷ་ཡཾ ཚ་མྦྷི་ཏ་ཏྟཾ ལོ་མ་ཧཾ་སཾ ཨུ་པྤཱ་དེ་ཏུ་ཀཱ་མོ ཡེ་ན བྷ་ག་ཝཱ ཏེ་ནུ་པ་ས་ངྐ་མི; ཨུ་པ་ས་ངྐ་མི་ཏྭཱ བྷ་ག་ཝ་ཏོ ཨ་ཝི་དཱུ་རེ ཏི་ཀྑ་ཏྟུཾ ‘‘ཨ་ཀྐུ་ལོ པ་ཀྐུ་ལོ’’ཏི ཨ་ཀྐུ་ལ་པ་ཀྐུ་ལི་ཀཾ ཨ་ཀཱ་སི – ‘‘ཨེ་སོ ཏེ, ས་མ་ཎ, པི་སཱ་ཙོ’’ཏི.

ཨ་ཐ ཁོ བྷ་ག་ཝཱ ཨེ་ཏ་མ་ཏྠཾ ཝི་དི་ཏྭཱ ཏཱ་ཡཾ ཝེ་ལཱ་ཡཾ ཨི་མཾ ཨུ་དཱ་ནཾ ཨུ་དཱ་ནེ་སི –

‘‘ཡ་དཱ ས་ཀེ་སུ དྷ་མྨེ་སུ, པཱ་ར་གཱུ ཧོ་ཏི བྲཱ་ཧྨ་ཎོ;

ཨ་ཐ ཨེ་ཏཾ པི་སཱ་ཙ་ཉྩ, པ་ཀྐུ་ལ་ཉྩཱ་ཏི་ཝ་ཏྟ་ཏཱི’’ཏི. ས་ཏྟ་མཾ;