༢. ཙཱ་ལཱ་ཐེ་རཱི་གཱ་ཐཱ
༡༨༢. ‘‘ས་ཏིཾ ཨུ་པ་ཊྛ་པེ་ཏྭཱ་ན, བྷི་ཀྑུ་ནཱི བྷཱ་ཝི་ཏི་ནྡྲི་ཡཱ;
པ་ཊི་ཝི་ཛ྄ཛྷི པ་དཾ ས་ནྟཾ, ས་ངྑཱ་རཱུ་པ་ས་མཾ སུ་ཁཾ’’.
༡༨༣. ‘‘ཀཾ ནུ ཨུ་དྡི་སྶ མུ་ཎྜཱ་སི, ས་མ་ཎཱི ཝི་ཡ དི་སྶ་སི;
ན ཙ རོ་ཙེ་སི པཱ་ས་ཎྜེ, ཀི་མི་དཾ ཙ་ར་སི མོ་མུ་ཧཱ’’.
༡༨༤. ‘‘ཨི་ཏོ བ་ཧི་དྡྷཱ པཱ་ས་ཎྜཱ, དི་ཊྛི་ཡོ ཨུ་པ་ནི་སྶི་ཏཱ;
ན ཏེ དྷ་མྨཾ ཝི་ཛཱ་ན་ནྟི, ན ཏེ དྷ་མྨ་སྶ ཀོ་ཝི་དཱ.
༡༨༥. ‘‘ཨ་ཏྠི ས་ཀྱ་ཀུ་ལེ ཛཱ་ཏོ, བུ་དྡྷོ ཨ་པྤ་ཊི་པུ་གྒ་ལོ;
སོ མེ དྷ་མྨ་མ་དེ་སེ་སི, དི་ཊྛཱི་ནཾ ས་མ་ཏི་ཀྐ་མཾ.
༡༨༦. ‘‘དུ་ཀྑཾ དུ་ཀྑ་ས་མུ་པྤཱ་དཾ, དུ་ཀྑ་སྶ ཙ ཨ་ཏི་ཀྐ་མཾ;
ཨ་རི་ཡཾ ཙ་ཊྛ་ངྒི་ཀཾ མ་གྒཾ, དུ་ཀྑཱུ་པ་ས་མ་གཱ་མི་ནཾ.
༡༨༧. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, ཝི་ཧ་རིཾ སཱ་ས་ནེ ར་ཏཱ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༡༨༨. ‘‘ས་བྦ་ཏྠ ཝི་ཧ་ཏཱ ན་ནྡཱི, ཏ་མོ་ཁ་ནྡྷོ པ་དཱ་ལི་ཏོ;
ཨེ་ཝཾ ཛཱ་ནཱ་ཧི པཱ་པི་མ, ནི་ཧ་ཏོ ཏྭ་མ་སི ཨ་ནྟ་ཀ’’.
… ཙཱ་ལཱ ཐེ་རཱི….