༣. ཨུ་པ་ཙཱ་ལཱ་ཐེ་རཱི་གཱ་ཐཱ
༡༨༩. ‘‘ས་ཏི་མ་ཏཱི ཙ་ཀྑུ་མ་ཏཱི, བྷི་ཀྑུ་ནཱི བྷཱ་ཝི་ཏི་ནྡྲི་ཡཱ;
པ་ཊི་ཝི་ཛ྄ཛྷིཾ པ་དཾ ས་ནྟཾ, ཨ་ཀཱ་པུ་རི་ས་སེ་ཝི་ཏཾ’’.
༡༩༠. ‘‘ཀིཾ ནུ ཛཱ་ཏིཾ ན རོ་ཙེ་སི, ཛཱ་ཏོ ཀཱ་མཱ་ནི བྷུ་ཉྫ་ཏི;
བྷུ་ཉྫཱ་ཧི ཀཱ་མ་ར་ཏི་ཡོ, མཱ་ཧུ པ་ཙྪཱ་ནུ་ཏཱ་པི་ནཱི’’.
༡༩༡. ‘‘ཛཱ་ཏ་སྶ མ་ར་ཎཾ ཧོ་ཏི, ཧ་ཏྠ་པཱ་དཱ་ན ཚེ་ད་ནཾ;
ཝ་དྷ་བ་ནྡྷ་པ་རི་ཀླེ་སཾ, ཛཱ་ཏོ དུ་ཀྑཾ ནི་ག་ཙྪ་ཏི.
༡༩༢. ‘‘ཨ་ཏྠི ས་ཀྱ་ཀུ་ལེ ཛཱ་ཏོ, ས་མྦུ་དྡྷོ ཨ་པ་རཱ་ཛི་ཏོ;
སོ མེ དྷ་མྨ་མ་དེ་སེ་སི, ཛཱ་ཏི་ཡཱ ས་མ་ཏི་ཀྐ་མཾ.
༡༩༣. ‘‘དུ་ཀྑཾ དུ་ཀྑ་ས་མུ་པྤཱ་དཾ, དུ་ཀྑ་སྶ ཙ ཨ་ཏི་ཀྐ་མཾ;
ཨ་རི་ཡཾ ཙ་ཊྛ་ངྒི་ཀཾ མ་གྒཾ, དུ་ཀྑཱུ་པ་ས་མ་གཱ་མི་ནཾ.
༡༩༤. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, ཝི་ཧ་རིཾ སཱ་ས་ནེ ར་ཏཱ;
ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ནཾ.
༡༩༥. ‘‘ས་བྦ་ཏྠ ཝི་ཧ་ཏཱ ན་ནྡཱི, ཏ་མོ་ཁ་ནྡྷོ པ་དཱ་ལི་ཏོ;
ཨེ་ཝཾ ཛཱ་ནཱ་ཧི པཱ་པི་མ, ནི་ཧ་ཏོ ཏྭ་མ་སི ཨ་ནྟ་ཀ’’.
… ཨུ་པ་ཙཱ་ལཱ ཐེ་རཱི….
ས་ཏྟ་ཀ་ནི་པཱ་ཏོ ནི་ཊྛི་ཏོ.