༧. གུ་ཏྟཱ་ཐེ་རཱི་གཱ་ཐཱ
༡༦༣. ‘‘གུ་ཏྟེ ཡ་ད་ཏྠཾ པ་བྦ་ཛྫཱ, ཧི་ཏྭཱ པུ་ཏྟཾ ཝ་སུཾ པི་ཡཾ;
ཏ་མེ་ཝ ཨ་ནུ་བྲཱུ་ཧེ་ཧི, མཱ ཙི་ཏྟ་སྶ ཝ་སཾ ག་མི.
༡༦༤. ‘‘ཙི་ཏྟེ་ན ཝ་ཉྩི་ཏཱ ས་ཏྟཱ, མཱ་ར་སྶ ཝི་ས་ཡེ ར་ཏཱ;
ཨ་ནེ་ཀ་ཛཱ་ཏི་སཾ་སཱ་རཾ, ས་ནྡྷཱ་ཝ་ནྟི ཨ་ཝི་དྡ་སཱུ.
༡༦༥. ‘‘ཀཱ་མ་ཙྪ་ནྡ་ཉྩ བྱཱ་པཱ་དཾ, ས་ཀྐཱ་ཡ་དི་ཊྛི་མེ་ཝ ཙ;
སཱི་ལ་བྦ་ཏ་པ་རཱ་མཱ་སཾ, ཝི་ཙི་ཀི་ཙྪ་ཉྩ པ་ཉྩ་མཾ.
༡༦༦. ‘‘སཾ་ཡོ་ཛ་ནཱ་ནི ཨེ་ཏཱ་ནི, པ་ཛ་ཧི་ཏྭཱ་ན བྷི་ཀྑུ་ནཱི;
ཨོ་ར་མྦྷཱ་ག་མ་ནཱི་ཡཱ་ནི, ན་ཡི་དཾ པུ་ན་རེ་ཧི་སི.
༡༦༧. ‘‘རཱ་གཾ མཱ་ནཾ ཨ་ཝི་ཛྫ་ཉྩ, ཨུ་དྡྷ་ཙྩ་ཉྩ ཝི་ཝ་ཛྫི་ཡ;
སཾ་ཡོ་ཛ་ནཱ་ནི ཚེ་ཏྭཱ་ན, དུ་ཀྑ་སྶ་ནྟཾ ཀ་རི་སྶ་སི.
༡༦༨. ‘‘ཁེ་པེ་ཏྭཱ ཛཱ་ཏི་སཾ་སཱ་རཾ, པ་རི་ཉྙཱ་ཡ པུ་ན་བྦྷ་ཝཾ;
དི་ཊྛེ་ཝ དྷ་མྨེ ནི་ཙྪཱ་ཏཱ, ཨུ་པ་ས་ནྟཱ ཙ་རི་སྶ་ཏཱི’’ཏི.
… གུ་ཏྟཱ ཐེ་རཱི….