༨. ཝི་ཛ་ཡཱ་ཐེ་རཱི་གཱ་ཐཱ
༡༦༩. ‘‘ཙ་ཏུ་ཀྑ་ཏྟུཾ པ་ཉྩ་ཀྑ་ཏྟུཾ, ཝི་ཧཱ་རཱ ཨུ་པ་ནི་ཀྑ་མིཾ;
ཨ་ལ་དྡྷཱ ཙེ་ཏ་སོ ས་ནྟིཾ, ཙི་ཏྟེ ཨ་ཝ་ས་ཝ་ཏྟི་ནཱི.
༡༧༠. ‘‘བྷི་ཀྑུ་ནིཾ ཨུ་པ་ས་ངྐ་མྨ, ས་ཀྐ་ཙྩཾ པ་རི་པུ་ཙྪ་ཧཾ;
སཱ མེ དྷ་མྨ་མ་དེ་སེ་སི, དྷཱ་ཏུ་ཨཱ་ཡ་ཏ་ནཱ་ནི ཙ.
༡༧༡. ‘‘ཙ་ཏྟཱ་རི ཨ་རི་ཡ་ས་ཙྩཱ་ནི, ཨི་ནྡྲི་ཡཱ་ནི བ་ལཱ་ནི ཙ;
བོ་ཛ྄ཛྷ་ངྒ་ཊྛ་ངྒི་ཀཾ མ་གྒཾ, ཨུ་ཏྟ་མ་ཏྠ་སྶ པ་ཏྟི་ཡཱ.
༡༧༢. ‘‘ཏ་སྶཱ་ཧཾ ཝ་ཙ་ནཾ སུ་ཏྭཱ, ཀ་རོ་ནྟཱི ཨ་ནུ་སཱ་ས་ནིཾ;
ར་ཏྟི་ཡཱ པུ་རི་མེ ཡཱ་མེ, པུ་བྦ་ཛཱ་ཏི་མ་ནུ་སྶ་རིཾ.
༡༧༣. ‘‘ར་ཏྟི་ཡཱ མ་ཛ྄ཛྷི་མེ ཡཱ་མེ, དི་བྦ་ཙ་ཀྑུཾ ཝི་སོ་དྷ་ཡིཾ;
ར་ཏྟི་ཡཱ པ་ཙྪི་མེ ཡཱ་མེ, ཏ་མོ་ཁ་ནྡྷཾ པ་དཱ་ལ་ཡིཾ.
༡༧༤. ‘‘པཱི་ཏི་སུ་ཁེ་ན ཙ ཀཱ་ཡཾ, ཕ་རི་ཏྭཱ ཝི་ཧ་རིཾ ཏ་དཱ;
ས་ཏྟ་མི་ཡཱ པཱ་དེ པ་སཱ་རེ་སིཾ, ཏ་མོ་ཁ་ནྡྷཾ པ་དཱ་ལི་ཡཱ’’ཏི.
… ཝི་ཛ་ཡཱ ཐེ་རཱི….
ཚ་ཀྐ་ནི་པཱ་ཏོ ནི་ཊྛི་ཏོ.