༧. ས་ཀུ་ལཱ་ཐེ་རཱི་གཱ་ཐཱ
༩༧. ‘‘ཨ་གཱ་ར་སྨིཾ ཝ་ས་ནྟཱི་ཧཾ, དྷ་མྨཾ སུ་ཏྭཱ་ན བྷི་ཀྑུ་ནོ;
ཨ་དྡ་སཾ ཝི་ར་ཛཾ དྷ་མྨཾ, ནི་བྦཱ་ནཾ པ་ད་མ་ཙྩུ་ཏཾ.
༩༨. ‘‘སཱ་ཧཾ པུ་ཏྟཾ དྷཱི་ཏ་ར་ཉྩ, དྷ་ན་དྷ་ཉྙ་ཉྩ ཚ་ཌྜི་ཡ;
ཀེ་སེ ཚེ་དཱ་པ་ཡི་ཏྭཱ་ན, པ་བྦ་ཛིཾ ཨ་ན་གཱ་རི་ཡཾ.
༩༩. ‘‘སི་ཀྑ་མཱ་ནཱ ཨ་ཧཾ ས་ནྟཱི, བྷཱ་ཝེ་ནྟཱི མ་གྒ་མ་ཉྫ་སཾ;
པ་ཧཱ་སིཾ རཱ་ག་དོ་ས་ཉྩ, ཏ་དེ་ཀ་ཊྛེ ཙ ཨཱ་ས་ཝེ.
༡༠༠. ‘‘བྷི་ཀྑུ་ནཱི ཨུ་པ་ས་མྤ་ཛྫ, པུ་བྦ་ཛཱ་ཏི་མ་ནུ་སྶ་རིཾ;
དི་བྦ་ཙ་ཀྑུ ཝི་སོ་དྷི་ཏཾ [ཝི་སོ་དྷི་ཏཾ དི་བྦ་ཙ་ཀྑུ (སཱི.)], ཝི་མ་ལཾ སཱ་དྷུ་བྷཱ་ཝི་ཏཾ.
༡༠༡. ‘‘ས་ངྑཱ་རེ པ་ར་ཏོ དི་སྭཱ, ཧེ་ཏུ་ཛཱ་ཏེ པ་ལོ་ཀི་ཏེ [པ་ལོ་ཀི་ནེ (ཀ.)];
པ་ཧཱ་སིཾ ཨཱ་ས་ཝེ ས་བྦེ, སཱི་ཏི་བྷཱུ་ཏཱ་མྷི ནི་བྦུ་ཏཱ’’ཏི.
… ས་ཀུ་ལཱ ཐེ་རཱི….