༨. སོ་ཎཱ་ཐེ་རཱི་གཱ་ཐཱ
༡༠༢. ‘‘ད་ས པུ་ཏྟེ ཝི་ཛཱ་ཡི་ཏྭཱ, ཨ་སྨིཾ རཱུ་པ་ས་མུ་སྶ་ཡེ;
ཏ་ཏོ་ཧཾ དུ་བྦ་ལཱ ཛི་ཎྞཱ, བྷི་ཀྑུ་ནིཾ ཨུ་པ་ས་ངྐ་མིཾ.
༡༠༣. ‘‘སཱ མེ དྷ་མྨ་མ་དེ་སེ་སི, ཁ་ནྡྷཱ་ཡ་ཏ་ན་དྷཱ་ཏུ་ཡོ;
ཏ་སྶཱ དྷ་མྨཾ སུ་ཎི་ཏྭཱ་ན, ཀེ་སེ ཚེ་ཏྭཱ་ན པ་བྦ་ཛིཾ.
༡༠༤. ‘‘ཏ་སྶཱ མེ སི་ཀྑ་མཱ་ནཱ་ཡ, དི་བྦ་ཙ་ཀྑུ ཝི་སོ་དྷི་ཏཾ;
པུ་བྦེ་ནི་ཝཱ་སཾ ཛཱ་ནཱ་མི, ཡ་ཏྠ མེ ཝུ་སི་ཏཾ པུ་རེ.
༡༠༥. ‘‘ཨ་ནི་མི་ཏྟ་ཉྩ བྷཱ་ཝེ་མི, ཨེ་ཀ་གྒཱ སུ་ས་མཱ་ཧི་ཏཱ;
ཨ་ན་ནྟ་རཱ་ཝི་མོ་ཀྑཱ་སིཾ, ཨ་ནུ་པཱ་དཱ་ཡ ནི་བྦུ་ཏཱ.
༡༠༦. ‘‘པ་ཉྩ་ཀྑ་ནྡྷཱ པ་རི་ཉྙཱ་ཏཱ, ཏི་ཊྛ་ནྟི ཚི་ནྣ་མཱུ་ལ་ཀཱ;
དྷི ཏ་ཝ་ཏྠུ ཛ་རེ ཛ་མྨེ, ན་ཏྠི དཱ་ནི པུ་ན་བྦྷ་ཝོ’’ཏི.
… སོ་ཎཱ ཐེ་རཱི….