༦. མི་ཏྟཱ་ཀཱ་ལཱི༹་ཐེ་རཱི་གཱ་ཐཱ
༩༢. ‘‘ས་དྡྷཱ་ཡ པ་བྦ་ཛི་ཏྭཱ་ན, ཨ་གཱ་ར་སྨཱ་ན་གཱ་རི་ཡཾ;
ཝི་ཙ་རིཾ་ཧཾ ཏེ་ན ཏེ་ན, ལཱ་བྷ་ས་ཀྐཱ་ར་ཨུ་སྶུ་ཀཱ.
༩༣. ‘‘རི་ཉྩི་ཏྭཱ པ་ར་མཾ ཨ་ཏྠཾ, ཧཱི་ན་མ་ཏྠཾ ཨ་སེ་ཝི་ཧཾ;
ཀི་ལེ་སཱ་ནཾ ཝ་སཾ ག་ནྟྭཱ, སཱ་མ་ཉྙ་ཏྠཾ ན བུ་ཛ྄ཛྷི་ཧཾ.
༩༤. ‘‘ཏ་སྶཱ མེ ཨ་ཧུ སཾ་ཝེ་གོ, ནི་སི་ནྣཱ་ཡ ཝི་ཧཱ་ར་ཀེ;
ཨུ་མྨ་གྒ་པ་ཊི་པ་ནྣཱ་མྷི, ཏ་ཎྷཱ་ཡ ཝ་ས་མཱ་ག་ཏཱ.
༩༥. ‘‘ཨ་པྤ་ཀཾ ཛཱི་ཝི་ཏཾ མ་ཡ྄ཧཾ, ཛ་རཱ བྱཱ་དྷི ཙ མ་དྡ་ཏི;
པུ་རཱ་ཡཾ བྷི་ཛྫ་ཏི [ཛ་རཱ་ཡ བྷི་ཛྫ་ཏེ (སཱི.)] ཀཱ་ཡོ, ན མེ ཀཱ་ལོ པ་མ་ཛྫི་ཏུཾ.
༩༦. ‘‘ཡ་ཐཱ་བྷཱུ་ཏ་མ་ཝེ་ཀྑ་ནྟཱི, ཁ་ནྡྷཱ་ནཾ ཨུ་ད་ཡ་བྦ་ཡཾ;
ཝི་མུ་ཏྟ་ཙི་ཏྟཱ ཨུ་ཊྛཱ་སིཾ, ཀ་ཏཾ བུ་དྡྷ་སྶ སཱ་ས་ན’’ནྟི.
… མི་ཏྟཱ ཀཱ་ལཱི༹ ཐེ་རཱི….