༡༠. པ་ཊཱ་ཙཱ་རཱ་ཐེ་རཱི་གཱ་ཐཱ

༡༡༢. ‘‘ན་ངྒ་ལེ་ཧི ཀ་སཾ ཁེ་ཏྟཾ, བཱི་ཛཱ་ནི པ་ཝ་པཾ ཚ་མཱ;

པུ་ཏྟ་དཱ་རཱ་ནི པོ་སེ་ནྟཱ, དྷ་ནཾ ཝི་ནྡ་ནྟི མཱ་ཎ་ཝཱ.

༡༡༣. ‘‘ཀི་མ་ཧཾ སཱི་ལ་ས་མྤ་ནྣཱ, ས་ཏྠུ་སཱ་ས་ན་ཀཱ་རི་ཀཱ;

ནི་བྦཱ་ནཾ ནཱ་དྷི་ག་ཙྪཱ་མི, ཨ་ཀུ་སཱི་ཏཱ ཨ་ནུ་དྡྷ་ཏཱ.

༡༡༤. ‘‘པཱ་དེ པ་ཀྑཱ་ལ་ཡི་ཏྭཱ་ན, ཨུ་ད་ཀེ་སུ ཀ་རོ་མ་ཧཾ;

པཱ་དོ་ད་ཀ་ཉྩ དི་སྭཱ་ན, ཐ་ལ་ཏོ ནི་ནྣ་མཱ་ག་ཏཾ.

༡༡༥. ‘‘ཏ་ཏོ ཙི་ཏྟཾ ས་མཱ་དྷེ་སིཾ, ཨ་སྶཾ བྷ་དྲཾ་ཝ་ཛཱ་ནི་ཡཾ;

ཏ་ཏོ དཱི་པཾ ག་ཧེ་ཏྭཱ་ན, ཝི་ཧཱ་རཾ པཱ་ཝི་སིཾ ཨ་ཧཾ;

སེ་ཡྻཾ ཨོ་ལོ་ཀ་ཡི་ཏྭཱ་ན, མ་ཉྩ་ཀ་མྷི ཨུ་པཱ་ཝི་སིཾ.

༡༡༦. ‘‘ཏ་ཏོ སཱུ་ཙིཾ ག་ཧེ་ཏྭཱ་ན, ཝ་ཊྚིཾ ཨོ་ཀ་སྶ་ཡཱ་མ་ཧཾ;

པ་དཱི་པ་སྶེ་ཝ ནི་བྦཱ་ནཾ, ཝི་མོ་ཀྑོ ཨ་ཧུ ཙེ་ཏ་སོ’’ཏི.

… པ་ཊཱ་ཙཱ་རཱ ཐེ་རཱི….