༡༡. ཏིཾ་ས་མ་ཏྟཱ་ཐེ་རཱི་གཱ་ཐཱ
༡༡༧. ‘‘‘མུ་ས་ལཱ་ནི ག་ཧེ་ཏྭཱ་ན, དྷ་ཉྙཾ ཀོ་ཊྚེ་ནྟི མཱ་ཎ་ཝཱ [མཱ་ན་ཝཱ (སཱི.)];
པུ་ཏྟ་དཱ་རཱ་ནི པོ་སེ་ནྟཱ, དྷ་ནཾ ཝི་ནྡ་ནྟི མཱ་ཎ་ཝཱ.
༡༡༨. ‘‘‘ཀ་རོ་ཐ བུ་དྡྷ་སཱ་ས་ནཾ, ཡཾ ཀ་ཏྭཱ ནཱ་ནུ་ཏ་པྤ་ཏི;
ཁི་པྤཾ པཱ་དཱ་ནི དྷོ་ཝི་ཏྭཱ, ཨེ་ཀ་མ་ནྟེ ནི་སཱི་ད་ཐ;
ཙེ་ཏོ་ས་མ་ཐ་མ་ནུ་ཡུ་ཏྟཱ, ཀ་རོ་ཐ བུ་དྡྷ་སཱ་ས་ནཾ’.
༡༡༩. ‘‘ཏ་སྶཱ ཏཱ [ཏཾ (སཱི.)] ཝ་ཙ་ནཾ སུ་ཏྭཱ, པ་ཊཱ་ཙཱ་རཱ་ཡ སཱ་ས་ནཾ;
པཱ་དེ པ་ཀྑཱ་ལ་ཡི་ཏྭཱ་ན, ཨེ་ཀ་མ་ནྟཾ ཨུ་པཱ་ཝི་སུཾ;
ཙེ་ཏོ་ས་མ་ཐ་མ་ནུ་ཡུ་ཏྟཱ, ཨ་ཀཾ་སུ བུ་དྡྷ་སཱ་ས་ནཾ.
༡༢༠. ‘‘ར་ཏྟི་ཡཱ པུ་རི་མེ ཡཱ་མེ, པུ་བྦ་ཛཱ་ཏི་མ་ནུ་སྶ་རུཾ;
ར་ཏྟི་ཡཱ མ་ཛ྄ཛྷི་མེ ཡཱ་མེ, དི་བྦ་ཙ་ཀྑུཾ ཝི་སོ་དྷ་ཡུཾ;
ར་ཏྟི་ཡཱ པ་ཙྪི་མེ ཡཱ་མེ, ཏ་མོ་ཁ་ནྡྷཾ པ་དཱ་ལ་ཡུཾ.
༡༢༡. ‘‘ཨུ་ཊྛཱ་ཡ པཱ་དེ ཝ་ནྡིཾ་སུ, ‘ཀ་ཏཱ ཏེ ཨ་ནུ་སཱ་ས་ནཱི;
ཨི་ནྡཾ་ཝ དེ་ཝཱ ཏི་ད་སཱ, ས་ངྒཱ་མེ ཨ་པ་རཱ་ཛི་ཏཾ;
པུ་ར་ཀྑ་ཏྭཱ ཝི་ཧ་སྶཱ་མ [ཝི་ཧ་རཱ་མ (སཱི.), ཝི་ཧ་རི་སྶཱ་མ (སྱཱ.)], ཏེ་ཝི་ཛྫཱ་མྷ ཨ་ནཱ་ས་ཝཱ’’’ཏི.
ཨི་ཏྠཾ སུ་དཾ ཏིཾ་ས་མ་ཏྟཱ ཐེ་རཱི བྷི་ཀྑུ་ནི་ཡོ པ་ཊཱ་ཙཱ་རཱ་ཡ ས་ནྟི་ཀེ ཨ་ཉྙཾ བྱཱ་ཀ་རིཾ་སཱུ་ཏི.