༩. ཝི་ཛི་ཏ་སེ་ན་ཏྠེ་ར་གཱ་ཐཱ
༣༥༥. ‘‘ཨོ་ལ་གྒེ་སྶཱ་མི ཏེ ཙི་ཏྟ, ཨཱ་ཎི་དྭཱ་རེ་ཝ ཧ་ཏྠི་ནཾ;
ན ཏཾ པཱ་པེ ནི་ཡོ་ཛེ་སྶཾ, ཀཱ་མ་ཛཱ་ལ [ཀཱ་མ་ཛཱ་ལཾ (སྱཱ.)] ས་རཱི་ར་ཛ [ས་རཱི་ར་ཛཾ (སྱཱ. ཀ.)].
༣༥༦. ‘‘ཏྭཾ ཨོ་ལ་གྒོ ན ག་ཙྪ་སི [ན ག་ཉྪི་སི (པཱི)], དྭཱ་ར་ཝི་ཝ་རཾ ག་ཛོ་ཝ ཨ་ལ་བྷ་ནྟོ;
ན ཙ ཙི་ཏྟ་ཀ་ལི པུ་ན་པྤུ་ནཾ, པ་ས་ཀྐ [པ་ས་ཧཾ (སཱི. སྱཱ. པཱི.)] པཱ་པ་ར་ཏོ ཙ་རི་སྶ་སི.
༣༥༧. ‘‘ཡ་ཐཱ ཀུ་ཉྫ་རཾ ཨ་ད་ནྟཾ, ན་ཝ་གྒ་ཧ་མ་ངྐུ་ས་གྒ་ཧོ;
བ་ལ་ཝཱ ཨཱ་ཝ་ཏྟེ་ཏི ཨ་ཀཱ་མཾ, ཨེ་ཝཾ ཨཱ་ཝ་ཏྟ་ཡི་སྶཾ ཏཾ.
༣༥༨. ‘‘ཡ་ཐཱ ཝ་ར་ཧ་ཡ་ད་མ་ཀུ་ས་ལོ, སཱ་ར་ཐི པ་ཝ་རོ ད་མེ་ཏི ཨཱ་ཛ་ཉྙཾ;
ཨེ་ཝཾ ད་མ་ཡི་སྶཾ ཏཾ, པ་ཏི་ཊྛི་ཏོ པ་ཉྩ་སུ བ་ལེ་སུ.
༣༥༩. ‘‘ས་ཏི་ཡཱ ཏཾ ནི་བ་ནྡྷི་སྶཾ, པ་ཡུ་ཏྟོ ཏེ ད་མེ་སྶཱ་མི [པ་ཡ་ཏ་ཏྟོ ཝོ་ད་པེ་སྶཱ་མི (སཱི.)];
ཝཱི་རི་ཡ་དྷུ་ར་ནི་གྒ་ཧི་ཏོ, ན ཡི་ཏོ དཱུ་རཾ ག་མི་སྶ་སེ ཙི་ཏྟཱ’’ཏི.
… ཝི་ཛི་ཏ་སེ་ནོ ཐེ་རོ….