༡༠. ཡ་ས་ད་ཏྟ་ཏྠེ་ར་གཱ་ཐཱ
༣༦༠. ‘‘ཨུ་པཱ་ར་མྦྷ་ཙི་ཏྟོ དུ་མྨེ་དྷོ, སུ་ཎཱ་ཏི ཛི་ན་སཱ་ས་ནཾ;
ཨཱ་ར་ཀཱ ཧོ་ཏི ས་དྡྷ་མྨཱ, ན་བྷ་སོ པ་ཐ་ཝཱི ཡ་ཐཱ.
༣༦༡. ‘‘ཨུ་པཱ་ར་མྦྷ་ཙི་ཏྟོ དུ་མྨེ་དྷོ, སུ་ཎཱ་ཏི ཛི་ན་སཱ་ས་ནཾ;
པ་རི་ཧཱ་ཡ་ཏི ས་དྡྷ་མྨཱ, ཀཱ་ལ༹་པ་ཀྑེ་ཝ ཙ་ནྡི་མཱ.
༣༦༢. ‘‘ཨུ་པཱ་ར་མྦྷ་ཙི་ཏྟོ དུ་མྨེ་དྷོ, སུ་ཎཱ་ཏི ཛི་ན་སཱ་ས་ནཾ;
པ་རི་སུ་སྶ་ཏི ས་དྡྷ་མྨེ, མ་ཙྪོ ཨ་པྤོ་ད་ཀེ ཡ་ཐཱ.
༣༦༣. ‘‘ཨུ་པཱ་ར་མྦྷ་ཙི་ཏྟོ དུ་མྨེ་དྷོ, སུ་ཎཱ་ཏི ཛི་ན་སཱ་ས་ནཾ;
ན ཝི་རཱུ་ཧ་ཏི ས་དྡྷ་མྨེ, ཁེ་ཏྟེ བཱི་ཛཾ་ཝ པཱུ་ཏི་ཀཾ.
༣༦༤. ‘‘ཡོ ཙ ཏུ་ཊྛེ་ན ཙི་ཏྟེ་ན, སུ་ཎཱ་ཏི ཛི་ན་སཱ་ས་ནཾ;
ཁེ་པེ་ཏྭཱ ཨཱ་ས་ཝེ ས་བྦེ, ས་ཙྪི་ཀ་ཏྭཱ ཨ་ཀུ་པྤ་ཏཾ;
པ་པྤུ་ཡྻ པ་ར་མཾ ས་ནྟིཾ, པ་རི་ནི་བྦཱ་ཏི་ནཱ་ས་ཝོ’’ཏི.
… ཡ་ས་ད་ཏྟོ ཐེ་རོ….