༦. ན་དཱི་ཀ་སྶ་པ་ཏྠེ་ར་གཱ་ཐཱ
༣༤༠. ‘‘ཨ་ཏྠཱ་ཡ ཝ་ཏ མེ བུ་དྡྷོ, ན་དིཾ ནེ་ར་ཉྫ་རཾ ཨ་གཱ;
ཡ་སྶཱ་ཧཾ དྷ་མྨཾ སུ་ཏྭཱ་ན, མི་ཙྪཱ་དི་ཊྛིཾ ཝི་ཝ་ཛྫ་ཡིཾ.
༣༤༡. ‘‘ཡ་ཛིཾ ཨུ་ཙྩཱ་ཝ་ཙེ ཡ་ཉྙེ, ཨ་གྒི་ཧུ་ཏྟཾ ཛུ་ཧིཾ ཨ་ཧཾ;
‘ཨེ་སཱ སུ་དྡྷཱི’ཏི མ་ཉྙ་ནྟོ, ཨ་ནྡྷ་བྷཱུ་ཏོ [ཨ་ནྡྷཱི་བྷཱུ་ཏོ (ཀ.)] པུ་ཐུ་ཛྫ་ནོ.
༣༤༢. ‘‘དི་ཊྛི་ག་ཧ་ན་པ་ཀྑ་ནྡོ [པ་ཀྑ་ནྟོ (སཱི.), པ་ཀྑ་ནྣོ (སྱཱ. པཱི.)], པ་རཱ་མཱ་སེ་ན མོ་ཧི་ཏོ;
ཨ་སུ་དྡྷིཾ མ་ཉྙི་སཾ སུ་དྡྷིཾ, ཨ་ནྡྷ་བྷཱུ་ཏོ ཨ་ཝི་དྡ་སུ.
༣༤༣. ‘‘མི་ཙྪཱ་དི་ཊྛི པ་ཧཱི་ནཱ མེ, བྷ་ཝཱ ས་བྦེ པ་དཱ་ལི་ཏཱ [ཝི་དཱ་ལི་ཏཱ (ཀ.)];
ཛུ་ཧཱ་མི ད་ཀྑི་ཎེ་ཡྻ་གྒིཾ, ན་མ་སྶཱ་མི ཏ་ཐཱ་ག་ཏཾ.
༣༤༤. ‘‘མོ་ཧཱ ས་བྦེ པ་ཧཱི་ནཱ མེ, བྷ་ཝ་ཏ་ཎྷཱ པ་དཱ་ལི་ཏཱ;
ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ’’ཏི.
… ན་དཱི་ཀ་སྶ་པོ ཐེ་རོ….