༧. ག་ཡཱ་ཀ་སྶ་པ་ཏྠེ་ར་གཱ་ཐཱ
༣༤༥. ‘‘པཱ་ཏོ མ་ཛ྄ཛྷ་ནྷི་ཀཾ སཱ་ཡཾ, ཏི་ཀྑ་ཏྟུཾ དི་ཝ་ས་སྶ་ཧཾ;
ཨོ་ཏ་རིཾ ཨུ་ད་ཀཾ སོ་ཧཾ, ག་ཡཱ་ཡ ག་ཡ་ཕ་གྒུ་ཡཱ.
༣༤༦. ‘‘‘ཡཾ མ་ཡཱ པ་ཀ་ཏཾ པཱ་པཾ, པུ་བྦེ ཨ་ཉྙཱ་སུ ཛཱ་ཏི་སུ;
ཏཾ དཱ་ནཱི་དྷ པ་ཝཱ་ཧེ་མི’, ཨེ་ཝཾ་དི་ཊྛི པུ་རེ ཨ་ཧུཾ.
༣༤༧. ‘‘སུ་ཏྭཱ སུ་བྷཱ་སི་ཏཾ ཝཱ་ཙཾ, དྷ་མྨ་ཏྠ་ས་ཧི་ཏཾ པ་དཾ;
ཏ་ཐཾ ཡཱ་ཐཱ་ཝ་ཀཾ ཨ་ཏྠཾ, ཡོ་ནི་སོ པ་ཙྩ་ཝེ་ཀྑི་སཾ;
༣༤༨. ‘‘ནི་ནྷཱ་ཏ་ས་བྦ་པཱ་པོ་མྷི, ནི་མྨ་ལོ པ་ཡ་ཏོ སུ་ཙི;
སུ་དྡྷོ སུ་དྡྷ་སྶ དཱ་ཡཱ་དོ, པུ་ཏྟོ བུ་དྡྷ་སྶ ཨོ་ར་སོ.
༣༤༩. ‘‘ཨོ་ག་ཡ྄ཧ་ཊྛ་ངྒི་ཀཾ སོ་ཏཾ, ས་བྦ་པཱ་པཾ པ་ཝཱ་ཧ་ཡིཾ;
ཏི་སྶོ ཝི་ཛྫཱ ཨ་ཛ྄ཛྷ་ག་མིཾ, ཀ་ཏཾ བུ་དྡྷ་སྶ སཱ་ས་ན’’ནྟི.
… ག་ཡཱ་ཀ་སྶ་པོ ཐེ་རོ….