༧. ས་ཏྟ་མ་ཝ་གྒོ

༦༡. ‘‘པ་སྶ་ཏི པ་སྶོ པ་སྶ་ནྟཾ, ཨ་པ་སྶ་ནྟ་ཉྩ པ་སྶ་ཏི;

ཨ་པ་སྶ་ནྟོ ཨ་པ་སྶ་ནྟཾ, པ་སྶ་ནྟ་ཉྩ ན པ་སྶ་ཏཱི’’ཏི.

… ཝ་པྤོ ཐེ་རོ….

༦༢. ‘‘ཨེ་ཀ་ཀཱ མ་ཡཾ ཨ་ར་ཉྙེ ཝི་ཧ་རཱ་མ, ཨ་པ་ཝི་དྡྷཾ་ཝ ཝ་ན་སྨིཾ དཱ་རུ་ཀཾ;

ཏ་སྶ མེ བ་ཧུ་ཀཱ པི་ཧ་ཡ་ནྟི, ནེ་ར་ཡི་ཀཱ ཝི་ཡ ས་གྒ་གཱ་མི་ན’’ནྟི.

… ཝ་ཛྫི་པུ་ཏྟོ ཐེ་རོ….

༦༣. ‘‘ཙུ་ཏཱ པ་ཏ་ནྟི པ་ཏི་ཏཱ, གི་དྡྷཱ ཙ པུ་ན་རཱ་ག་ཏཱ;

ཀ་ཏཾ ཀི་ཙྩཾ ར་ཏཾ ར་མྨཾ, སུ་ཁེ་ན་ནྭཱ་ག་ཏཾ སུ་ཁ’’ནྟི.

… པ་ཀྑོ ཐེ་རོ….

༦༤. ‘‘དུ་མ་ཝ྄ཧ་ཡཱ་ཡ ཨུ་པྤ་ནྣོ, ཛཱ་ཏོ པ་ཎྜ་ར་ཀེ་ཏུ་ནཱ;

ཀེ་ཏུ་ཧཱ ཀེ་ཏུ་ནཱ་ཡེ་ཝ, མ་ཧཱ་ཀེ་ཏུཾ པ་དྷཾ་ས་ཡཱི’’ཏི.

… ཝི་མ་ལ་ཀོ་ཎྜ་ཉྙོ ཐེ་རོ….

༦༥. ‘‘ཨུ་ཀྑེ་པ་ཀ་ཏ་ཝ་ཙྪ་སྶ, ས་ངྐ་ལི་ཏཾ བ་ཧཱུ་ཧི ཝ་སྶེ་ཧི;

ཏཾ བྷཱ་ས་ཏི ག་ཧ་ཊྛཱ་ནཾ, སུ་ནི་སི་ནྣོ ཨུ་ལཱ༹་ར་པཱ་མོ་ཛྫོ’’ཏི.

… ཨུ་ཀྑེ་པ་ཀ་ཏ་ཝ་ཙྪོ ཐེ་རོ….

༦༦. ‘‘ཨ་ནུ་སཱ་སི མ་ཧཱ་ཝཱི་རོ, ས་བྦ་དྷ་མྨཱ་ན པཱ་ར་གཱུ;

ཏ་སྶཱ་ཧཾ དྷ་མྨཾ སུ་ཏྭཱ་ན, ཝི་ཧཱ་སིཾ ས་ནྟི་ཀེ ས་ཏོ;

ཏི་སྶོ ཝི་ཛྫཱ ཨ་ནུ་པྤ་ཏྟཱ, ཀ་ཏཾ བུ་དྡྷ་སྶ སཱ་ས་ན’’ནྟི.

… མེ་གྷི་ཡོ ཐེ་རོ….

༦༧. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;

ཝི་ཀྑཱི་ཎོ ཛཱ་ཏི་སཾ་སཱ་རོ, ན་ཏྠི དཱ་ནི པུ་ན་བྦྷ་ཝོ’’ཏི.

… ཨེ་ཀ་དྷ་མྨ་ས་ཝ་ནཱི་ཡོ ཐེ་རོ….

༦༨. [ཨུ་དཱ. ༣༧; པཱ་ཙི. ༡༥༣] ‘‘ཨ་དྷི་ཙེ་ཏ་སོ ཨ་པྤ་མ་ཛྫ་ཏོ, མུ་ནི་ནོ མོ་ན་པ་ཐེ་སུ སི་ཀྑ་ཏོ;

སོ་ཀཱ ན བྷ་ཝ་ནྟི ཏཱ་དི་ནོ, ཨུ་པ་ས་ནྟ་སྶ ས་དཱ ས་ཏཱི་མ་ཏོ’’ཏི.

… ཨེ་ཀུ་དཱ་ནི་ཡོ ཐེ་རོ….

༦༩. ‘‘སུ་ཏྭཱ་ན དྷ་མྨཾ མ་ཧ་ཏོ མ་ཧཱ་ར་སཾ, ས་བྦ་ཉྙུ་ཏ་ཉྙཱ་ཎ་ཝ་རེ་ན དེ་སི་ཏཾ;

མ་གྒཾ པ་པ་ཛྫིཾ [པ་པ་ཛྫཾ (ཀ.)] ཨ་མ་ཏ་སྶ པ་ཏྟི་ཡཱ, སོ ཡོ་ག་ཀྑེ་མ་སྶ པ་ཐ་སྶ ཀོ་ཝི་དོ’’ཏི.

… ཚ་ནྣོ ཐེ་རོ….

༧༠. ‘‘སཱི་ལ་མེ་ཝ ཨི་དྷ ཨ་གྒཾ, པ་ཉྙ་ཝཱ པ་ན ཨུ་ཏྟ་མོ;

མ་ནུ་སྶེ་སུ ཙ དེ་ཝེ་སུ, སཱི་ལ་པ་ཉྙཱ་ཎ་ཏོ ཛ་ཡ’’ནྟི.

… པུ་ཎྞོ ཐེ་རོ….

ཝ་གྒོ ས་ཏྟ་མོ ནི་ཊྛི་ཏོ.

ཏ་སྶུ་དྡཱ་ནཾ –

ཝ་པྤོ ཙ ཝ་ཛྫི་པུ་ཏྟོ ཙ, པ་ཀྑོ ཝི་མ་ལ་ཀོ་ཎྜ་ཉྙོ;

ཨུ་ཀྑེ་པ་ཀ་ཏ་ཝ་ཙྪོ ཙ, མེ་གྷི་ཡོ ཨེ་ཀ་དྷ་མྨི་ཀོ;

ཨེ་ཀུ་དཱ་ནི་ཡ་ཚ་ནྣཱ ཙ, པུ་ཎྞ་ཏྠེ་རོ མ་ཧ་བྦ་ལོ་ཏི.