༥. པ་ཉྩ་མ་ཝ་གྒོ

༤༡. ‘‘ཝི་ཝ་ར་མ་ནུ་པ་ཏ་ནྟི ཝི་ཛྫུ་ཏཱ, ཝེ་བྷཱ་ར་སྶ ཙ པ་ཎྜ་ཝ་སྶ ཙ;

ན་ག་ཝི་ཝ་ར་ག་ཏོ ཙ ཛྷཱ་ཡ་ཏི, པུ་ཏྟོ ཨ་པྤ་ཊི་མ་སྶ ཏཱ་དི་ནོ’’ཏི.

… སི་རི་ཝ་ཌྜྷོ ཐེ་རོ….

༤༢. ‘‘ཙཱ་ལེ ཨུ་པ་ཙཱ་ལེ སཱི་སཱུ་པ་ཙཱ་ལེ ( ) [(ཙཱ་ལཱ ཨུ་པ་ཙཱ་ལཱ, སཱི་སཱུ་པ་ཙཱ་ལཱ) (ཀ.)] པ་ཏི་སྶ་ཏཱ [པ་ཊི་སྶ་ཏི་ཀཱ (སྱཱ. ཀ.)] ནུ ཁོ ཝི་ཧ་ར་ཐ;

ཨཱ་ག་ཏོ ཝོ ཝཱ་ལཾ ཝི་ཡ ཝེ་དྷཱི’’ཏི.

… ཁ་དི་ར་ཝ་ནི་ཡོ ཐེ་རོ….

༤༣. ‘‘སུ་མུ་ཏྟི་ཀོ སུ་མུ་ཏྟི་ཀོ སཱ་ཧུ, སུ་མུ་ཏྟི་ཀོ་མྷི ཏཱི་ཧི ཁུ་ཛྫ་ཀེ་ཧི;

ཨ་སི་ཏཱ་སུ མ་ཡཱ ན་ངྒ་ལཱ་སུ, མ་ཡཱ ཁུ་དྡ་ཀུ་དྡཱ་ལཱ་སུ མ་ཡཱ.

ཡ་དི་པི ཨི་དྷ་མེ་ཝ ཨི་དྷ་མེ་ཝ, ཨ་ཐ ཝཱ་པི ཨ་ལ་མེ་ཝ ཨ་ལ་མེ་ཝ;

ཛྷཱ་ཡ སུ་མ་ངྒ་ལ ཛྷཱ་ཡ སུ་མ་ངྒ་ལ, ཨ་པྤ་མ་ཏྟོ ཝི་ཧ་ར སུ་མ་ངྒ་ལཱ’’ཏི.

… སུ་མ་ངྒ་ལོ ཐེ་རོ….

༤༤. [སཾ. ནི. ༡.༢༣༩] ‘‘མ་ཏཾ ཝཱ ཨ་མྨ རོ་ད་ནྟི, ཡོ ཝཱ ཛཱི་ཝཾ ན དི་སྶ་ཏི;

ཛཱི་ཝ་ནྟཾ མཾ ཨ་མྨ པ་སྶ་ནྟཱི, ཀ་སྨཱ མཾ ཨ་མྨ རོ་ད་སཱི’’ཏི.

… སཱ་ནུ་ཏྠེ་རོ….

༤༥. ‘‘ཡ་ཐཱ་པི བྷ་དྡོ ཨཱ་ཛ་ཉྙོ, ཁ་ལི་ཏྭཱ པ་ཏི་ཏི་ཊྛ་ཏི;

ཨེ་ཝཾ ད་སྶ་ན་ས་མྤ་ནྣཾ, ས་མྨཱ་ས་མྦུ་དྡྷ་སཱ་ཝ་ཀ’’ནྟི.

… ར་མ་ཎཱི་ཡ་ཝི་ཧཱ་རི་ཏྠེ་རོ….

༤༦. ‘‘ས་དྡྷཱ་ཡཱ་ཧཾ པ་བྦ་ཛི་ཏོ, ཨ་གཱ་ར་སྨཱ་ན་གཱ་རི་ཡཾ;

ས་ཏི པ་ཉྙཱ ཙ མེ ཝུ་ཌྜྷཱ, ཙི་ཏྟ་ཉྩ སུ་ས་མཱ་ཧི་ཏཾ;

ཀཱ་མཾ ཀ་ར་སྶུ རཱུ་པཱ་ནི, ནེ་ཝ མཾ བྱཱ་དྷ་ཡི་སྶ་སཱི’’ཏི [བཱ་དྷ་ཡི་སྶ་སཱི་ཏི (སཱི.), བྱཱ་ཐ་ཡི་སྶ་སཱི་ཏི (?)].

… ས་མི་དྡྷི་ཏྠེ་རོ….

༤༧. ‘‘ན་མོ ཏེ བུ་དྡྷ ཝཱི་ར་ཏྠུ, ཝི་པྤ་མུ་ཏྟོ་སི ས་བྦ་དྷི;

ཏུ་ཡ྄ཧཱ་པ་དཱ་ནེ ཝི་ཧ་རཾ, ཝི་ཧ་རཱ་མི ཨ་ནཱ་ས་ཝོ’’ཏི.

… ཨུ་ཛྫ་ཡོ ཐེ་རོ….

༤༨. ‘‘ཡ་ཏོ ཨ་ཧཾ པ་བྦ་ཛི་ཏོ, ཨ་གཱ་ར་སྨཱ་ན་གཱ་རི་ཡཾ;

ནཱ་བྷི་ཛཱ་ནཱ་མི ས་ངྐ་པྤཾ, ཨ་ན་རི་ཡཾ དོ་ས་སཾ་ཧི་ཏ’’ནྟི.

… ས་ཉྫ་ཡོ ཐེ་རོ….

༤༩. ‘‘ཙི་ཧ་ཙི་ཧཱ་བྷི་ན་དི་ཏེ [ཝི་ཧ་ཝི་ཧཱ་བྷི་ན་དི་ཏེ (སཱི. སྱཱ.)], སི་པྤི་ཀཱ་བྷི་རུ་ཏེ་ཧི ཙ;

ན མེ ཏཾ ཕ་ནྡ་ཏི ཙི་ཏྟཾ, ཨེ་ཀ་ཏྟ་ནི་ར་ཏཾ ཧི མེ’’ཏི.

… རཱ་མ་ཎེ་ཡྻ་ཀོ ཐེ་རོ….

༥༠. ‘‘དྷ་ར་ཎཱི ཙ སི་ཉྩ་ཏི ཝཱ་ཏི, མཱ་ལུ་ཏོ ཝི་ཛྫུ་ཏཱ ཙ་ར་ཏི ན་བྷེ;

ཨུ་པ་ས་མ་ནྟི ཝི་ཏ་ཀྐཱ, ཙི་ཏྟཾ སུ་ས་མཱ་ཧི་ཏཾ མ་མཱ’’ཏི.

… ཝི་མ་ལོ ཐེ་རོ….

ཝ་གྒོ པ་ཉྩ་མོ ནི་ཊྛི་ཏོ.

ཏ་སྶུ་དྡཱ་ནཾ –

སི་རཱི་ཝ་ཌྜྷོ རེ་ཝ་ཏོ ཐེ་རོ, སུ་མ་ངྒ་ལོ སཱ་ནུ་ས་ཝ྄ཧ་ཡོ;

ར་མ་ཎཱི་ཡ་ཝི་ཧཱ་རཱི ཙ, ས་མི་དྡྷི་ཨུ་ཛྫ་ཡ་ས་ཉྫ་ཡཱ;

རཱ་མ་ཎེ་ཡྻོ ཙ སོ ཐེ་རོ, ཝི་མ་ལོ ཙ ར་ཎ་ཉྫ་ཧོ་ཏི.