༤. ཙ་ཏུ་ཏྠ་ཝ་གྒོ

༣༡. ‘‘ཕུ་ཊྛོ ཌཾ་སེ་ཧི མ་ཀ་སེ་ཧི, ཨ་ར་ཉྙ་སྨིཾ བྲ་ཧཱ་ཝ་ནེ;

ནཱ་གོ སཾ་གཱ་མ་སཱི་སེ་ཝ, ས་ཏོ ཏ་ཏྲཱ་དྷི་ཝཱ་ས་ཡེ’’ཏི.

… ག་ཧྭ་ར་ཏཱི་རི་ཡོ ཐེ་རོ….

༣༢. ‘‘ཨ་ཛ་རཾ ཛཱི་ར་མཱ་ནེ་ན, ཏ་པྤ་མཱ་ནེ་ན ནི་བྦུ་ཏིཾ;

ནི་མི་ཡཾ [ནི་མྨི་སྶཾ (སཱི.), ནི་རཱ་མི་སཾ (སྱཱ.), ནི་མི་ནེ་ཡྻཾ (?)] པ་ར་མཾ ས་ནྟིཾ, ཡོ་ག་ཀྑེ་མཾ ཨ་ནུ་ཏྟ་ར’’ནྟི.

… སུ་པྤི་ཡོ ཐེ་རོ….

༣༣. ‘‘ཡ་ཐཱ་པི ཨེ་ཀ་པུ་ཏྟ་སྨིཾ, པི་ཡ་སྨིཾ ཀུ་ས་ལཱི སི་ཡཱ;

ཨེ་ཝཾ ས་བྦེ་སུ པཱ་ཎེ་སུ, ས་བྦ་ཏྠ ཀུ་ས་ལོ སི་ཡཱ’’ཏི.

… སོ་པཱ་ཀོ ཐེ་རོ….

༣༤. ‘‘ཨ་ནཱ་ས་ནྣ་ཝ་རཱ ཨེ་ཏཱ, ནི་ཙྩ་མེ་ཝ ཝི་ཛཱ་ན་ཏཱ;

གཱ་མཱ ཨ་ར་ཉྙ་མཱ་ག་མྨ, ཏ་ཏོ གེ་ཧཾ ཨུ་པཱ་ཝི་སི [ཨུ་པཱ་ཝི་སིཾ (སཱི.)];

ཏ་ཏོ ཨུ་ཊྛཱ་ཡ པ་ཀྐཱ་མི, ཨ་ནཱ་མ་ནྟེ་ཏྭཱ [ཨ་ནཱ་མ་ནྟི་ཡ (སཱི.)] པོ་སི་ཡོ’’ཏི.

… པོ་སི་ཡོ ཐེ་རོ….

༣༥. ‘‘སུ་ཁཾ སུ་ཁ་ཏྠོ ལ་བྷ་ཏེ ཏ་དཱ་ཙ་རཾ, ཀི་ཏྟི་ཉྩ པ་པྤོ་ཏི ཡ་ས་སྶ ཝ་ཌྜྷ་ཏི;

ཡོ ཨ་རི་ཡ་མ་ཊྛ་ངྒི་ཀ་མ་ཉྫ་སཾ ཨུ་ཛུཾ, བྷཱ་ཝེ་ཏི མ་གྒཾ ཨ་མ་ཏ་སྶ པ་ཏྟི་ཡཱ’’ཏི.

… སཱ་མ་ཉྙ་ཀཱ་ནི་ཏྠེ་རོ….

༣༦. ‘‘སཱ་དྷུ སུ་ཏཾ སཱ་དྷུ ཙ་རི་ཏ་ཀཾ, སཱ་དྷུ ས་དཱ ཨ་ནི་ཀེ་ཏ་ཝི་ཧཱ་རོ;

ཨ་ཏྠ་པུ་ཙྪ་ནཾ པ་ད་ཀྑི་ཎ་ཀ་མྨཾ, ཨེ་ཏཾ སཱ་མ་ཉྙ་མ་ཀི་ཉྩ་ན་སྶཱ’’ཏི.

… ཀུ་མཱ་པུ་ཏྟོ ཐེ་རོ….

༣༧. ‘‘ནཱ་ནཱ་ཛ་ན་པ་དཾ ཡ་ནྟི, ཝི་ཙ་ར་ནྟཱ ཨ་ས་ཉྙ་ཏཱ;

ས་མཱ་དྷི་ཉྩ ཝི་རཱ་དྷེ་ནྟི, ཀིཾ་སུ ར་ཊྛ་ཙ་རི་ཡཱ ཀ་རི་སྶ་ཏི;

ཏ་སྨཱ ཝི་ནེ་ཡྻ སཱ་ར་མྦྷཾ, ཛྷཱ་ཡེ་ཡྻ ཨ་པུ་ར་ཀྑ་ཏོ’’ཏི.

… ཀུ་མཱ་པུ་ཏྟ་ཏྠེ་ར་སྶ ས་ཧཱ་ཡ་ཀོ ཐེ་རོ….

༣༨. ‘‘ཡོ ཨི་དྡྷི་ཡཱ ས་ར་བྷུཾ ཨ་ཊྛ་པེ་སི, སོ ག་ཝ་མྤ་ཏི ཨ་སི་ཏོ ཨ་ནེ་ཛོ;

ཏཾ ས་བྦ་ས་ངྒཱ་ཏི་ག་ཏཾ མ་ཧཱ་མུ་ནིཾ, དེ་ཝཱ ན་མ་སྶ་ནྟི བྷ་ཝ་སྶ པཱ་ར་གུ’’ནྟི.

… ག་ཝ་མྤ་ཏི་ཏྠེ་རོ….

༣༩. [སཾ. ནི. ༡.༢༡, ༩༧]‘‘ས་ཏྟི་ཡཱ ཝི་ཡ ཨོ་མ་ཊྛོ, ཌ་ཡ྄ཧ་མཱ་ནོ་ཝ [ཌ་ཡ྄ཧ་མཱ་ནེ་ཝ (ས་བྦ་ཏྠ)] མ་ཏྠ་ཀེ;

ཀཱ་མ་རཱ་ག་པྤ་ཧཱ་ནཱ་ཡ, ས་ཏོ བྷི་ཀྑུ པ་རི་བྦ་ཛེ’’ཏི.

… ཏི་སྶོ ཐེ་རོ….

༤༠. ‘‘ས་ཏྟི་ཡཱ ཝི་ཡ ཨོ་མ་ཊྛོ, ཌ་ཡ྄ཧ་མཱ་ནོ་ཝ མ་ཏྠ་ཀེ;

བྷ་ཝ་རཱ་ག་པྤ་ཧཱ་ནཱ་ཡ, ས་ཏོ བྷི་ཀྑུ པ་རི་བྦ་ཛེ’’ཏི.

… ཝ་ཌྜྷ་མཱ་ནོ ཐེ་རོ….

ཝ་གྒོ ཙ་ཏུ་ཏྠོ ནི་ཊྛི་ཏོ.

ཏ་སྶུ་དྡཱ་ནཾ –

ག་ཧྭ་ར་ཏཱི་རི་ཡོ སུ་པྤི་ཡོ, སོ་པཱ་ཀོ ཙེ་ཝ པོ་སི་ཡོ;

སཱ་མ་ཉྙ་ཀཱ་ནི ཀུ་མཱ་པུ་ཏྟོ, ཀུ་མཱ་པུ་ཏྟ་ས་ཧཱ་ཡ་ཀོ;

ག་ཝ་མྤ་ཏི ཏི་སྶ་ཏྠེ་རོ, ཝ་ཌྜྷ་མཱ་ནོ མ་ཧཱ་ཡ་སོ་ཏི.