༧. ན་ནྡ་མཱ་ཎ་ཝ་པུ་ཙྪཱ
༡༠༨༣. ‘‘ས་ནྟི ལོ་ཀེ མུ་ན་ཡོ, (ཨི་ཙྩཱ་ཡ་སྨཱ ན་ནྡོ)
ཛ་ནཱ ཝ་ད་ནྟི ཏ་ཡི་དཾ ཀ་ཐཾ་སུ;
ཉཱ་ཎཱུ་པ་པ་ནྣཾ ནོ མུ་ནིཾ [མུ་ནི ནོ (སྱཱ. ཀ.)] ཝ་ད་ནྟི, ཨུ་དཱ་ཧུ ཝེ ཛཱི་ཝི་ཏེ་ནཱུ་པ་པ་ནྣཾ’’.
༡༠༨༤. ‘‘ན དི་ཊྛི་ཡཱ ན སུ་ཏི་ཡཱ ན ཉཱ་ཎེ་ན, (ན སཱི་ལ་བྦ་ཏེ་ན) [( ) ན་ཏྠི སཱི.-པཱི པོ་ཏྠ་ཀེ་སུ]
མུ་ནཱི་དྷ ན་ནྡ ཀུ་ས་ལཱ ཝ་ད་ནྟི;
ཝི་སེ་ནི་ཀ་ཏྭཱ ཨ་ནཱི་གྷཱ ནི་རཱ་སཱ, ཙ་ར་ནྟི ཡེ ཏེ མུ་ན་ཡོ་ཏི བྲཱུ་མི’’.
༡༠༨༥. ‘‘ཡེ ཀེ་ཙི་མེ ས་མ་ཎ་བྲཱ་ཧྨ་ཎཱ་སེ, (ཨི་ཙྩཱ་ཡ་སྨཱ ན་ནྡོ)
དི་ཊྛ་སྶུ་ཏེ་ནཱ་པི [དི་ཊྛེ་ན སུ་ཏེ་ནཱ་པི (སཱི.), དི་ཊྛེ སུ་ཏེ་ནཱ་པི (སྱཱ. པཱི. ཀ.)] ཝ་ད་ནྟི སུ་དྡྷིཾ;
སཱི་ལ་བྦ་ཏེ་ནཱ་པི ཝ་ད་ནྟི སུ་དྡྷིཾ, ཨ་ནེ་ཀ་རཱུ་པེ་ན ཝ་ད་ནྟི སུ་དྡྷིཾ;
ཀ་ཙྩི་སྶུ ཏེ བྷ་ག་ཝཱ ཏ་ཏྠ ཡ་ཏཱ ཙ་ར་ནྟཱ, ཨ་ཏཱ་རུ ཛཱ་ཏི་ཉྩ ཛ་ར་ཉྩ མཱ་རི་ས;
པུ་ཙྪཱ་མི ཏཾ བྷ་ག་ཝཱ བྲཱུ་ཧི མེ ཏཾ’’.
༡༠༨༦. ‘‘ཡེ ཀེ་ཙི་མེ ས་མ་ཎ་བྲཱ་ཧྨ་ཎཱ་སེ, (ན་ནྡཱ་ཏི བྷ་ག་ཝཱ)
དི་ཊྛ་སྶུ་ཏེ་ནཱ་པི ཝ་ད་ནྟི སུ་དྡྷིཾ;
སཱི་ལ་བྦ་ཏེ་ནཱ་པི ཝ་ད་ནྟི སུ་དྡྷིཾ, ཨ་ནེ་ཀ་རཱུ་པེ་ན ཝ་ད་ནྟི སུ་དྡྷིཾ;
ཀི་ཉྩཱ་པི ཏེ ཏ་ཏྠ ཡ་ཏཱ ཙ་ར་ནྟི, ནཱ་རིཾ་སུ ཛཱ་ཏི་ཛ་ར་ནྟི བྲཱུ་མི’’.
༡༠༨༧. ‘‘ཡེ ཀེ་ཙི་མེ ས་མ་ཎ་བྲཱ་ཧྨ་ཎཱ་སེ, (ཨི་ཙྩཱ་ཡ་སྨཱ ན་ནྡོ)
དི་ཊྛ་སྶུ་ཏེ་ནཱ་པི ཝ་ད་ནྟི སུ་དྡྷིཾ;
སཱི་ལ་བྦ་ཏེ་ནཱ་པི ཝ་ད་ནྟི སུ་དྡྷིཾ, ཨ་ནེ་ཀ་རཱུ་པེ་ན ཝ་ད་ནྟི སུ་དྡྷིཾ;
ཏེ ཙེ མུ་ནི [ས་ཙེ མུ་ནི (སཱི.)] བྲཱུ་སི ཨ་ནོ་གྷ་ཏི་ཎྞེ, ཨ་ཐ ཀོ ཙ་ར་ཧི དེ་ཝ་མ་ནུ་སྶ་ལོ་ཀེ;
ཨ་ཏཱ་རི ཛཱ་ཏི་ཉྩ ཛ་ར་ཉྩ མཱ་རི་ས, པུ་ཙྪཱ་མི ཏཾ བྷ་ག་ཝཱ བྲཱུ་ཧི མེ ཏཾ’’.
༡༠༨༨. ‘‘ནཱ་ཧཾ ས་བྦེ ས་མ་ཎ་བྲཱ་ཧྨ་ཎཱ་སེ, (ན་ནྡཱ་ཏི བྷ་ག་ཝཱ)
ཛཱ་ཏི་ཛ་རཱ་ཡ ནི་ཝུ་ཏཱ་ཏི བྲཱུ་མི;
ཡེ སཱི་དྷ དི་ཊྛཾ་ཝ སུ་ཏཾ མུ་ཏཾ ཝཱ, སཱི་ལ་བྦ་ཏཾ ཝཱ་པི པ་ཧཱ་ཡ ས་བྦཾ;
ཨ་ནེ་ཀ་རཱུ་པ་མྤི པ་ཧཱ་ཡ ས་བྦཾ, ཏ་ཎྷཾ པ་རི་ཉྙཱ་ཡ ཨ་ནཱ་ས་ཝཱ་སེ;
ཏེ ཝེ ན་རཱ ཨོ་གྷ་ཏི་ཎྞཱ་ཏི བྲཱུ་མི’’.
༡༠༨༩. ‘‘ཨེ་ཏཱ་བྷི་ན་ནྡཱ་མི ཝ་ཙོ མ་ཧེ་སི་ནོ, སུ་ཀི་ཏྟི་ཏཾ གོ་ཏ་མ་ནཱུ་པ་དྷཱི་ཀཾ;
ཡེ སཱི་དྷ དི་ཊྛཾ ཝ སུ་ཏཾ མུ་ཏཾ ཝཱ, སཱི་ལ་བྦ་ཏཾ ཝཱ་པི པ་ཧཱ་ཡ ས་བྦཾ;
ཨ་ནེ་ཀ་རཱུ་པ་མྤི པ་ཧཱ་ཡ ས་བྦཾ, ཏ་ཎྷཾ པ་རི་ཉྙཱ་ཡ ཨ་ནཱ་ས་ཝཱ་སེ;
ཨ་ཧ་མྤི ཏེ ཨོ་གྷ་ཏི་ཎྞཱ་ཏི བྲཱུ་མཱི’’ཏི.
ན་ནྡ་མཱ་ཎ་ཝ་པུ་ཙྪཱ ས་ཏྟ་མཱ ནི་ཊྛི་ཏཱ.